Ráðgjöf Ólafs Ragnars: Liggjum lágt og leitum ásjár Bandaríkjanna

Ólafur Ragnar Grímsson kynnti í gær sýn örlaga­hyggju og raun­hyggju fyrir alþjóða­sam­skipti Íslend­inga, á sama tíma og hann boð­aði bjart­sýna trú á að Íslandi staf­aði engin ógn af útþenslu­stefnu Banda­ríkj­anna.

Í við­tali í Silfrinu á RÚV í gær­kvöldi sagði Ólafur Ragnar, sem var for­seti Íslands frá árunum 1996 til 2016, lengst allra Íslend­inga, og er að auki fyrr­ver­andi ráð­herra og pró­fessor í stjórn­mála­fræði, að Íslend­ingar ættu að láta lítið fyrir sér fara meðan Banda­ríkin reyni að taka yfir Grænland og inn­lima það í sitt land­svæði. 

Ólafur Ragnar veðjar þannig á að það sé „engin sér­stök ógn eða vanda­mál fyrir Ísland.“

Bæði leggur hann til að Íslend­ingar veki ekki athygli Trump-stjórn­ar­innar og svo að íslenska utan­rík­is­þjón­ustan rækti sam­bandið við banda­rísk stjórn­völd, þing­menn, tækni­fyr­ir­tæki og hægri hug­veitur.

Eig­in­kona Ólafs Rangars, for­seta­frúin fyrr­ver­andi Dorrit Moussaieff, sagði ummælum á Instagram undir frétt um áform Trumps um að yfir taka Grænland í gær, að í gær að Trump „hefði rétt fyrir sér“, „ hvort sem þér líkar betur eða verr“.

Síðar sagði hún í svari til frétta­vefs­ins Mannlífs að ummæli hennar hefðu mis­rit­ast eða mis­skilist og eyddi þeim.

„Bara valdið sem skiptir máli“

Í við­tal­inu í Silfrinu í gær lýsti Ólafur Ragnar því að virkni alþjóða­mála hefði breyst og var­aði við því að mis­tök væru gerð, með því að vinna gegn þeim sem valdið hafa.

„Stephen Miller, sem er einn áhrifa­rík­asti ráð­gjafi Trumps klæddi þetta í mjög kald­rifj­aðan bún­ing og sagði að nú er það bara valdið sem skiptir máli. Þannig hefur þetta auð­vitað alltaf verið í sög­unni. Og við ætlum okkur að ráða.  Svo kemur fjár­mála­ráð­eherra Band­ar­ríkj­anna í gær og segir: Evrópa mun bara átta sig. Af því að hún þarf að átta sig. Og svo bætti hann Úkraínu inn á skák­borðið. Það er að segja, þessi sveit. Hún horfir bara á heim­inn allan sem skák­borð Banda­ríkj­anna og Grænland er bara hluti af þess­ari þróun sem þeir ætla sér að ná tökum á,“ sagði Ólafur Ragnar og var­aði við:

„Ég held að bæði Evrópa og aðrir muni gera mjög mikil mis­tök ef þeir átta sig ekki á því, hvort sem okkur líkar betur eða verr, að það er alger­lega búið að skipta um valda­for­rit í Washington. Þannig að gamlar kenn­ingar og aðferðir um að eiga við þetta mikla veldi, þær duga ekki lengur.“