Lagarde: Evrópa verður að þróa eigin gervigreind

Evrópa verður að þróa eigin getu á sviði gervi­greindar svo hún sé ekki háð „rofa sem er stjórnað ann­ars staðar“, var­aði Christine Lagarde, for­seti Seðla­banka Evrópu (ECB), við á fimmtu­dag.

Þróun full­komn­ustu gervi­greind­ar­lík­an­anna er nú „einkum í Banda­ríkj­unum og Kína“, sagði Lagarde á tíundu árlegu ráð­stefnu Evrópska kerf­is­á­hættu­ráðs­ins (ESRB).

Það veki „spurn­ingu um hver stjórni aðgangi að lík­önum sem evr­ópskar fjár­mála­stofn­anir kunna að verða háðar“, bætti hún við.

Gervi­greind­ar­líkön fyr­ir­tækja á borð við Anthropic og OpenAI í Banda­ríkj­unum og DeepSeek í Kína verða sífellt öfl­ugri og nýt­ast á fleiri sviðum. Því hefur þeim verið líkt við mik­il­væga tækni sem nýt­ist víða, svo sem raf­magn og lagna­kerfi.

Í júní varð Evrópa áminnt um hve háð hún er öðrum í þessum efnum, eftir að banda­rísk stjórn­völd settu útflutn­ings­tak­mark­anir á tvö af öfl­ug­ustu …