Fjölmiðlanefnd hefur sent Loga Einarssyni, menningar-, nýsköpunar- og háskólaráðherra, bréf þar sem hún ítrekar að kröfur hennar um skráningu hlaðvarpa séu í fullu samræmi við lög. Bréfið er dagsett 28. október en var birt á vef nefndarinnar í gær.
Bréfasendingin kemur í kjölfar gagnrýni á framkvæmd nefndarinnar, meðal annars frá stjórnendum vinsælla hlaðvarpa, en líka að því er virðist ummæla Loga sjálfs. Hann hefur lýst efasemdum um núverandi fyrirkomulag og boðað endurskoðun fjölmiðlalaga.
Áform eru um að leggja fram frumvarp til breytinga á fjölmiðlalögum í mars á næsta ári.
Í bréfinu segir nefndin að lögin séu skýr um að hlaðvörp geti talist fjölmiðlar og falli þá undir skráningarskyldu. Það ráðist af eðli starfseminnar hvort einstök hlaðvörp uppfylli skilyrði laganna, en ekki því hvernig efninu sé miðlað. Nefndin vísar jafnframt til þess að íslenskir dómstólar hafi í tvígang staðfest þá túlkun að hlaðvörp geti fallið undir fjölmiðlalög.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir