Lögreglan á Suðurlandi greinir frá því að vinnuslys hafi orðið manneskju að bana í Rangárþingi um klukkan 15 í gær. 

Uppfært: Lögreglan hefur gefið út að um sé að ræða slys á byggingarsvæði á Hvolsvelli, þar sem karlmaður á sjötugsaldri lést. Nafn mannsins hefur ekki verið birt.

„Upp úr kl. 15 í gær barst lögreglu tilkynning um slys í Rangárþingi. Ásamt lögreglu fóru sjúkraflutningar og slökkvilið á vettvang. Um var að ræða vinnuslys. Einn einstaklingur var í slysinu og var hann úrskurðaður látinn á vettvangi,“ segir í tilkynningunni.

Þá segir að slysið sé til rannsóknar hjá rannsóknardeild lögreglunnar á Suðurlandi og tekið fram að ekki verði veittar frekari upplýsingar að sinni.