Tugir þúsunda gengu í dag um borgir í Frakklandi og kröfðust bættrar opinberrar þjónustu og mótmæltu hækkandi framfærslukostnaði og ójöfnuði. Þetta er sjötta helgin í röð sem mótmælt er.
Mótmælin hófust um miðjan september þegar framhaldsskólanemar kröfðust betri námsaðstæðna. Þau breyttust svo í herferð um allt land gegn hækkandi verði, ófullnægjandi opinberri þjónustu og harðræði lögreglu. Mótmælin breiddust einnig út um Evrópu, þótt þátttakendum í Frakklandi hafi fækkað.
Skipuleggjendur sögðu 150.000 manns hafa mótmælt víða um land, samanborið við 200.000 um síðustu helgi og 800.000 þegar fyrstu mótmælin fóru fram 17. október.
Innanríkisráðuneytið sagði þátttakendum hafa „fækkað verulega“ og taldi þá 82.500, samanborið við 106.000 á laugardag í síðustu viku.
Þúsundir manna komu saman á Place de la Republique-torginu í miðborg Parísar. Þar var hátíðleg stemning, tónlistarfólk lék, matarvagnar voru á staðnum og fólk klæddist búningum og bar heimatilbúin skilti. Síðan gekk hópurinn í austurátt …
Veistu meira? Láttu okkur vita
Það tókst ekki að sækja formið. Reyndu aftur eftir augnablik.















































Athugasemdir