Hlutabréf tæknifyrirtækja féllu hratt í dag og drógu hlutabréfamarkaði víða um heim niður. Sterk innkoma gervigreindarfyrirtækisins Anthropic á hlutabréfamarkað dugði ekki til að slá á vaxandi áhyggjur af gríðarlegum fjárfestingum í greininni og háu verðmati fyrirtækja.
Hlutabréf í Anthropic hækkuðu um hríð úr útboðsgenginu 83 dollurum, eða um 10.400 krónum, í yfir 110 dollara, eða rúmlega 13.700 krónur, eftir góða byrjun í gær. Þau lækkuðu hins vegar í almennri söluhrinu í dag og fóru niður fyrir 90 dollara, eða um 11.200 krónur.
„Þróun hlutabréfaverðsins á næstu dögum og vikum gæti orðið ein skýrasta vísbendingin hingað til um hvort fjárfestar telji að þær gríðarlegu fjárhæðir sem renna til gervigreindar muni á endanum skila góðri ávöxtun,“ segir Dan Coatsworth, yfirmaður markaðsmála hjá AJ Bell.
Þótt hlutabréf Anthropic hafi hækkað mikið þegar viðskipti með þau hófust á Nasdaq átti tæknivísitalan í erfiðleikum það sem eftir lifði dags. Hún opnaði …
Veistu meira? Láttu okkur vita
Það tókst ekki að sækja formið. Reyndu aftur eftir augnablik.













































Athugasemdir