Konurnar hverfa frá Trump

Skyndi­legt brott­hvarf Susie Wiles úr starfi starfs­manna­stjóra Hvíta húss­ins, einum degi eftir að repúblikanar biðu afhroð í mið­kjör­tíma­bils­kosn­ing­unum, er við­bót á vax­andi lista kvenna sem hafa látið af æðstu emb­ættum í stjórn Donalds Trump for­seta frá ára­mótum.

Í upp­hafi ann­ars kjör­tíma­bils síns gort­aði þessi átt­ræði repúblikani af því að hann væri „ánægður með að geta sagt að fleiri konur sitji í rík­is­stjórn okkar en nokkru sinni fyrr í stjórn repúblikana­for­seta í sögu lands­ins“.

Þá gegndu átta konur æðstu emb­ættum, af rúm­lega 20 slíkum stöðum.

Átján mán­uðum síðar eru aðeins þrjár eftir: Brooke Rollins land­bún­að­ar­ráð­herra, Linda McMahon mennta­mála­ráð­herra og Kelly Loeffler, sem fer fyrir banda­rísku smá­fyr­ir­tækja­stofn­un­inni.

Helmingi kvenn­anna var vikið úr starfi á þriggja mán­aða tíma­bili í vor.

Fyrst fór Kristi Noem heima­varna­ráð­herra, sem hafði orðið and­lit ofbeld­is­fullrar her­ferðar Trumps gegn inn­flytj­endum.

Á eftir henni fóru Pam Bondi, æðsti sak­sókn­ari alrík­is­stjórnar Trumps, Lori Chavez-DeRemer atvinnu­mála­ráð­herra …