Íranir hóta árásum á herstöðvar í Evrópu

Mohsen Rezaei, örygg­is­mála­full­trúi Írans, hefur hótað árásum á banda­rískar her­stöðvar utan Mið-Aust­ur­landa, meðal ann­ars í Evrópu, verði þær not­aðar til árása á íslamska lýð­veldið.

„Ef banda­rískar flug­vélar hefja sig til flugs frá banda­rískri her­stöð til að gera loft­árás á Íran, jafn­vel þótt stöðin sé í Evrópu eða á ein­hverju öðru fjar­lægu svæði, munum við gera árás á þær her­stöðvar líka,“ sagði Rezaei í við­tali við sjón­varps­stöð­ina Al Mayadeen, sem hefur aðsetur í Líbanon. Við­tal­inu var sjón­varpað í dag.

Hann bætti við að við­brögð Írans myndu „bein­ast að fjar­læg­ari her­stöðvum Banda­ríkj­anna“ og hugs­an­lega „ákveðnum eyjum sem þeir telja að eld­flaugar okkar nái ekki til“.

Stríðið í Mið-Aust­ur­löndum hófst 28. febr­úar með árásum Banda­ríkj­anna og Ísraels, þar sem Ali Khamenei erkiklerkur, æðsti leið­togi Írans, var drep­inn.

Íran svar­aði með eld­flauga- og dróna­árásum á ríki víða um svæðið. Vopnaðir hópar í Líbanon, Jemen og Írak, sem njóta stuðn­ings …