Donald Trump Banda­ríkja­for­seti segir tvo slökkvi­liðs­menn hafa gripið sig og komið sér í öruggt skjól nærri bygg­ingu sem ótt­ast var að myndi hrynja eftir hryðju­verka­árás­irnar 11. sept­em­ber 2001.

Trump greindi frá þessu á við­burði við Hvíta húsið í gær, þar sem minnst var við­bragðs­að­ila sem lét­ust í árás­unum.

„Ég mun aldrei gleyma þessu,“ sagði Trump. „Við héldum að bygg­ingin væri að fara að hrynja yfir okkur. Þá komu tveir slökkvi­liðs­menn, stórir og sterkir menn – og ég er nú ekki minnsti maður í heimi – gripu undir hand­legg­ina á mér og sögðu: ‚Við verðum að koma okkur héðan!‘“

Frá­sögnin er nýjasta útgáfan af sögu sem Trump hefur ítrekað sagt um aðkomu sína að björg­unar- og hreins­un­ar­starfi í New York eftir árás­irnar. Frásögn hans hefur tekið breyt­ingum í gegnum tíð­ina og banda­rískir fjöl­miðlar hafa greint frá því að björg­un­ar­menn og aðrir sem voru á vett­vangi hafi dregið hluta …