Demókratinn Mary Peltola vann öldungadeildarsæti Alaska í gær eftir hnífjafna kosningu þar sem hún felldi sitjandi þingmann repúblikana, Dan S. Sullivan. Þetta sýna opinberar atkvæðatölur.
Peltola hlaut 50,12 prósent atkvæða. Með sigri hennar hafa demókratar 56 sæti gegn 44 í öldungadeild Bandaríkjaþings. Þar með er síðasta óútkljáða kjöri þingkosninganna lokið, en repúblikanar biðu ósigur víða um land og úrslitin eru skýr áfellisdómur yfir öðru kjörtímabili Donald Trump Bandaríkjaforseta.
„Sem næsti öldungadeildarþingmaður Alaska mun ég standa uppi í hárinu á hverjum sem er, til þess að takast á við óréttláta kerfið í Washington og ná árangri fyrir vinnandi fjölskyldur í Alaska,“ sagði Peltola í yfirlýsingu í gærkvöld.
„Ég hef búið í Alaska alla ævi og helgað líf mitt þjónustu við ríkið. Enginn heiður er meiri en að njóta stuðnings íbúa Alaska í baráttunni gegn græðgi stórfyrirtækja, fyrir lægri útgjöldum og fyrir því að setja Alaska í fyrsta sæti.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.

















































Athugasemdir