Ég held ég sé búin að lifa ein­ungis á tón­list­ar­tengdum verk­efnum í tvö til þrjú ár og eru þau jafn fjöl­breytt og þau eru mörg. Allt frá því að spila með eigin hljóm­sveitum, í öðrum verk­efnum sem session­leik­ari, í gjörn­ingi hjá Ragnari Kjart­ans­syni mynd­list­ar­manni og að sjá um nám­skeið hjá Stelpur rokka!, sem er með því mest gef­andi sem ég hef gert á ævinni.

Ég lærði á hin ýmsu hljóð­færi frá 6-14 ára ald­urs, og var í tón­list­ar­skóla FÍH sam­hliða háskóla­námi í forn­grísku og lat­ínu. Ég kenndi forn­grísku í MR í eitt ár eftir útskrift og starf­aði aðeins við þýð­ingar en svo kall­aði tón­listin meira á mig. 

Að starfa sem tón­list­ar­maður þýðir bara að spila rosa­lega mikið og for­gangs­raða því sem maður tekur að sér. Um þessar mundir spila ég í mörgum fjöl­breyttum verk­efnum og má þar má meðal ann­arra nefna Babies-flokk­inn, Stuðmenn, Special- K, Soffíu Björgu, Jae Tyler og Teit Magn­ús­son, og svo gaf ég nýlega út 7” plötu á vegum SMIT Records. Þetta getur allt verið erfitt, eins og önnur vinna, en þegar öllu er á botn­inn hvolft þá er þetta það skemmti­leg­asta sem ég geri.