Þurfti að æfa glímu í stað fimleika

„Ég held að það sem hafi mótað mig mest sé að búa úti á landi, eða alast upp úti á landi. Ég er frá Blá­skóga­byggð og bý við Gullna hring­inn. Núna er ég að læra ferða­mála­fræði, þannig að bara tengslin við nátt­úr­una og ferða­mann­inn hafa örugg­lega mótað mig mest.

Mér finnst svo gaman að tala við ferða­menn og kynna Ísland fyrir ferða­fólki. Þannig reyni ég að hafa allt sem ég segi við ferða­menn­ina rétt og satt og leið­rétta þær villur sem þeir hafa kannski heyrt. En ég held að það að búa úti á landi sé það besta við líf mitt. Ég mun flytja þangað aftur seinna. Ég bý núna í borg­inni og er nemi, ég er að læra ferða­mála­fræði og er mat­ar­leið­sögu­maður. Seinna mun ég lík­leg­ast flytja aftur í sveit­ina.

Helsti mun­ur­inn er kannski að maður þurfti að finna sér eitt­hvað að gera. Bara sem dæmi, félags­mið­stöðin …