Úkraína sak­aði Banda­ríkin í dag um að hjálpa Rúss­landi með því að vara ekki við yfir­vof­andi eld­flauga­árásum og tor­velda við­brögð úkra­ínska hers­ins með breyt­ingum á Starlink-kerf­inu, sem her­inn notar á víg­vell­inum.

Volodimír Selenskí Úkra­ínu­for­seti sagði það „með öllu órétt­látt“ að engin við­vörun hefði borist um hrinu öfl­ugra árása í gær­kvöldi og snemma í morgun. Hann sak­aði Rússland um að virða vís­vit­andi að vettugi meint „vopna­hlé í orku­málum“ sem Donald Trump Banda­ríkja­for­seti hafði til­kynnt.

Hátt­settur emb­ætt­is­maður í Kænu­garði stað­festi að Banda­ríkin hefðu und­an­farna daga hótað að hætta að veita upp­lýs­ingar um eld­flauga­skot Rússa sem Úkraína notar til að verj­ast árásum. Trump neit­aði því í gær að hafa gert það.

Emb­ætt­is­mað­ur­inn og full­trúar varn­ar­mála bentu einnig á að Washington kynni að standa að því að hægt hefði á netteng­ingu sumra Starlink-bún­aða. Þeir nýt­ast úkra­ínska hernum við árásir á land­svæði her­numin af Rússum og við stjórnun dróna sem granda árás­ar­drónum.

„Það er …