Tæknimilljarðamæringurinn Elon Musk hvetur Volodimír Zelensky, forseta Úkraínu, til að láta af embætti. Ummælin falla á sama tíma og úkraínsk stjórnvöld lýsa efasemdum um stuðning Bandaríkjanna í stríðinu gegn Rússum. Þau saka bandarísk stjórnvöld um að ganga erinda Rússa með því að láta hjá líða að vara við yfirvofandi eldflaugaárásum og draga úr hernaðargetu Úkraínu með breytingum á fjarskiptakerfi sem SpaceX hefur þróað.
„Og þannig heldur blóðbaðið áfram,“ skrifar Musk á samfélagsmiðilinn X. „Það er kominn tími til að Zelensky fari frá.“
Musk hefur áður sagt að „allar takmarkanir á hraða eða notkun“ Starshield-kerfis fyrirtækis hans, SpaceX, væru „ákveðnar af bandaríska hernum og að lokum forseta Bandaríkjanna“. Þar á hann við Donald Trump Bandaríkjaforseta.
„Það er kominn tími til að Zelensky fari frá“
Musk gerði greinarmun á Starshield, sem úkraínski herinn reiðir sig á til fjarskipta á vígvellinum, og Starlink, sambærilegu gervihnattakerfi sem ætlað er til almennra nota. Úkraínumenn nota …
Athugasemdir