„Ég hef nú lifað þannig lífi að það hafa orðið miklar sviptingar og ýmislegt sem hefur breytt lífi mínu. Mig langar samt að segja að það breytti lífi mínu að komast í Íslenska fornbréfasafnið.

Ég er sagnfræðingur og þegar ég var í námi þá fór ég að leita að hlutum í fornbréfasafninu. Og ég er bara enn þá að því. Þetta er mitt aðaláhugamál og það eina sem ég geri, að lesa gamlar heimildir um Íslandssögu sem Íslendingar hafa hætt að telja sem hluta af bókmenntaarfinum. En þetta eru dómar og lög, það sem var skráð á Alþingi og alls konar skjöl um hitt og þetta sem var að gerast.

Þetta er bara heill heimur, Íslandssagan, tíminn frá því Íslendingar gengu Noregskonungi á hönd og kirkjunni og síðan áfram. Ég hef líka verið að lesa Alþingisbækurnar sem tóku við.

Þetta breytti lífi mínu og ég er enn að, þrjátíu árum …