Líklegt er að stýrivextir Seðlabanka Íslands verði hækkaðir 19. ágúst næstkomandi í þriðja skiptið í röð, að mati greiningadeildar Landsbankans. Ástæðan er að verðbólgan jókst í júlí og mældist 5,3%, langt yfir 2,5% verðbólgumarkmiði Seðlabankans.

Meginvextir Seðlabankans eru núna 7,75% og voru hækkaðir um 0,25 prósentustig bæði í maí og mars, eftir tímabil lækkunar allt frá haustinu 2024. Fleiri seðlabankar hafa staðið frammi fyrir vaxtahækkunum. Evrópski seðlabankinn hækkaði stýrivexti um 0,25% í júní, sem var fyrsta hækkunin í þrjú ár. Á evrusvæðinu eru stýrivextirnir hins vegar 2,25%.

Stríð Bandaríkjanna og Íran orsök

Verðbólgan hefur verið þrálát allt frá því að birgðakeðjur röskuðust í Covid-faraldrinum og bólumyndun varð á húsnæðismarkaði eftir miklar vaxtalækkanir Seðlabankans í faraldrinum. Nú er helsti áhrifaþátturinn hækkandi flugfargjöld, sem orsakast ekki síst af stríði Bandaríkjanna og Ísraels gegn Íran í Miðausturlöndum og afleiðingum þess.

Þó svo að tímabundin skattalækkun ríkisstjórnarinnar á eldsneyti renni út um komandi mánaðarmót …