Meiri mögu­leiki er á óeðli­legum afskiptum emb­ætt­is­manna eða stjórn­mála­manna af birt­ingu og þar með gild­is­töku laga á Íslandi en á hinum Norð­ur­lönd­unum. Ástæðan fyrir þessu er að lög og reglur um hvernig skuli haga birt­ingu laga á Íslandi eftir að Alþingi hefur sam­þykkt þau eru ekki eins fast­mót­aðar og í Danmörku, Svíþjóð og Finn­landi. Þetta þýðir að ráðu­neyti og ráð­herrar á Íslandi geta stýrt því í meiri mæli en ráðu­neyti og ráð­herrar á Norð­ur­lönd­unum hvenær lög frá við­kom­andi aðilum eru birt eftir að þjóð­höfð­ingi við­kom­andi lands, for­set­inn í Finn­landi til dæmis, hefur und­ir­ritað lögin. 

Þetta má sjá þegar ákvæði í lögum og reglum um laga­birt­ingar á Íslandi og Norð­ur­lönd­unum eru borin saman. 

Mál skrif­stofu­stjór­ans á skrif­stofu fisk­eldis og sjáv­ar­út­vegs í atvinnu­vega- og nýsköp­un­ar­ráðu­neyt­inu, Jóhanns Guð­munds­sonar, hefur gert það að verkum að hluti nefnd­ar­manna í stjórn­skip­unar- og eft­ir­lits­nefnd Alþingis …