Hrun velti­hringrásar Atl­ants­hafs­ins, AMOC, gæti nú verið óum­flýj­an­legt. Þetta kemur fram í nýrri rann­sókn þar sem hópur vís­inda­fólks not­aði hermi­líkön sem mældu áhrif lofts­lags­breyt­inga á velti­hringrás­ina.

Skoðað var hvernig mis­mikil bráðnun Græn­lands­jök­uls og ólíkar tíma­setn­ingar fyrir hámark los­unar gróð­ur­húsa­teg­unda hefðu með tíu ára milli­bili árin 2005 til 2135. Gert var ráð fyrir því að þegar hámarki los­unar gróð­ur­húsa­loft­teg­unda yrði náð myndi taka 35 ár að ná nettólosun niður í núll en bráðnun Græn­lands­jök­uls myndi hald­ast stöðug.

Velti­hringrás Atl­ants­hafs­ins stuðlar að flutn­ingi hlýs yfir­borðs­sjávar norður á bóg­inn og djúp­streymi salt­rík­ari og kald­ari sjávar suður. Þökk sé þess­ari hringrás, sem Golfstraum­ur­inn er hluti af, er hærra hita­stig á Íslandi en hnatt­staða lands­ins myndi ann­ars bjóða upp á. Brotni hún niður mun kólna veru­lega í Norður-Atl­ants­hafi að mati vís­inda­manna, ólíkt þeirri hlýnun sem verður ann­ars staðar í heim­inum. Sumar rann­sóknir benda til þess að veð­ur­skil­yrði í Evrópu muni svipa til veð­ur­skil­yrði á norð­ur­heim­skauta­svæð­inu. …