Baldvin í Samherja segir pabba sinn ekki bestu útgáfuna af sjálfum sér vegna rannsóknar

„Þetta hefur verið þungur tími,“ sagði Baldvin Þor­steins­son, for­stjóri og aðal­eig­andi Samherja, í til­finn­inga­þrungnu við­tali í morg­un­þætti Bylgj­unnar, Bítinu. Baldvin komst við í við­tal­inu þar sem hann tal­aði um rann­sókn á stór­felldum mútu­greiðslum frá Sam­herja­tengdum félögum til áhrifa­fólks í Namibíu. 

Faðir hans, Þor­steinn Már Bald­vins­son, er með rétt­ar­stöðu sak­born­ings í rann­sókn íslenskra stjórn­valda á hátta­lagi fyr­ir­tæk­is­ins, sem og átta aðrir núver­andi og fyrr­ver­andi starfs­menn fyr­ir­tæk­is­ins. 

„Ég ætla ekki að kvarta fyrir sjálfan mig en ég segi: pabbi minn, auð­vitað hefur þetta haft áhrif á hann að vera með stöðu grun­aðs manns svona lengi,“ sagði Baldvin sem ítrek­aði að Samherji, sem fyr­ir­tæki, hafi aldrei fengið dóma fyrir stór brot.

Baldvin sagð­ist hafa miklar mætur á föður sínum og að hann hafi séð það, þegar þeir unnu saman, hvaða mann Þor­steinn Már hefur að geyma. Baldvin tók við for­stjóra­starf­inu af föður sínum í haust en áður höfðu for­eldrar hans selt honum og systur hans, Kötlu Þor­steins­dóttur, sinn hlut í útgerð­inni. 

„Maður sér hvernig þessi mál öll, þetta eru þá komin fimmtán ár, maður sér hvernig þetta hefur farið með hann. Það verður að segj­ast, eðli­lega er hann ekki besta útgáfan af sjálfum sér,“ sagði hann og vís­aði til bæði mútu­máls­ins og Seðla­banka­máls­ins svo­kall­aða.

Þá upp­lýsti hann að búið væri að leggja fram rúm­lega hund­rað millj­arða króna kröfu á hendur fyr­ir­tæk­inu í Bret­landi. Samkvæmt upp­lýs­ingum Heim­ild­ar­innar var krafan lögð fram í júní síð­ast­liðnum.

Hún bein­ist að Samherja, tengdum félögum útgerð­ar­innar í Bret­landi, og fjórum fyrr­ver­andi starfs­mönnum félags­ins: Þor­steini Má, Ingvari Júl­í­us­syni, Aðal­steini Helga­syni og Agli Helga Árnasyni. Þeir hafa allir rétt­ar­stöðu sak­born­ings í rann­sókn Hér­aðs­sak­sókn­ara. 

„Við sem fyr­ir­tæki erum svo sem ekki alveg búin að bíta úr nál­inni með þetta,“ sagði Baldvin. „Þetta er nýtt og eitt­hvað sem við þurfum að svara fyrir. Þessi mál sem fylgja þessu, þau eru bara þarna og við höldum áfram að, hvað segir maður, að reka fyr­ir­tækið en auð­vitað fer ein­hver orka og tími í þetta.“

Spurt út í tölvupósta Baldvins

Baldvin hefur sjálfur ekki stöðu sak­born­ings í rann­sókn Hér­aðs­sak­sókn­ara á Sam­herj­a­mál­inu, þótt nafn hans komi víða við sögu í rann­sókn­ar­gögnum. Í yfir­heyrslum yfir sak­born­ingum og vitnum hefur meðal ann­ars verið spurt út í tölvu­póst­sam­skipti Baldvins. 

„Er búið að gefa út kvót­ann í Namibíu?“ spurði Baldvin til að mynda í tölvu­pósti til fram­kvæmda­stjóra í namibískum dótt­ur­fé­lögum Samherja þann 4. ágúst 2018. Þessi póstur og fleiri, sem spanna margra ára tíma­bil, sýna tals­verða aðkomu Baldvins að skipu­lagn­ingu veiða Samherja í Namibíu. Heim­ildin fjall­aði ítar­lega um aðkomu Baldvins að Namib­íu­rekstr­inum árið 2021. 

Þá virð­ist, sam­kvæmt tölvu­póstum sem eru hluti af rann­sókn­ar­gögnum og Heim­ildin hefur áður fjallað um, sem starfs­menn í Namibíu hafi verið í tíðu sam­bandi við Baldvin. Þannig lýsir Jón Óttar Ólafsson, sem starf­aði fyrir Samherja í Namibíu um hríð, þegar hann ræddi upp­sögn sína hjá fyr­ir­tæk­inu við sam­starfs­konu sína hjá Samherja, Baldvini sem ein­hvers konar yfir­manni.

„Ef Baldvin verður með vesen yfir því þá verði honum að góðu ég mun ekki taka því vel því samn­ing­ur­inn kveður á um 30 daga upp­sagn­ar­frest sem ég hef by the way enn ekki fengið frá honum. Hann er voða hetja að segja upp þremur gömlum konum og svindla á þeim eins og hann getur en er ekki maður til að hringja eitt sím­tal í mig og ræða þessa hluti,“ sagði Jón Óttar í tölvu­pósti sínum.

Fimmtán hundruð smáskilaboð

Rannsókn Sam­herj­a­máls­ins er lokið og bíður það nú ákvörð­unar Hér­aðs­sak­sókn­ara um hvort gefnar verði út ákærur í því eða ekki. Samkvæmt upp­lýs­ingum Heim­ild­ar­innar eru 214 milli­færslur undir í rann­sókn­inni og byggja þær á banka- og bók­halds­gögnum sem hefur verið aflað. Greiðsl­urnar spanna tíma­bilið frá 26. jan­úar árið 2012 til 12. nóv­em­ber árið 2019, sem er sami dagur og þáttur Kveiks um Sam­herj­a­skjölin var sendur út. 

Eins og Heim­ildin fjall­aði um í nóv­em­ber er heild­ar­fjár­hæð þeirra greiðslna sem til rann­sóknar eru nema 2,8 millj­örðum króna. Það er umtals­vert meira en fjallað var um þegar greint var frá mál­inu fyrir sex árum síðar.

Gögn, sem Heim­ildin hefur séð, sýna einnig að stærstur hluti þess­ara greiðslna áttu sér stað eftir að upp­ljóstr­ar­inn í mál­inu, Jóhannes Stef­áns­son, hætti störfum fyrir útgerð­ina.

Þá liggur líka fyrir í gögnum máls­ins að Þor­steinn Már átti í tíðum sam­skiptum við Jóhannes Stef­áns­son, fyrr­ver­andi fram­kvæmda­stjóra Namib­íu­út­gerðar Samherja, sem árið 2019 gerð­ist upp­ljóstr­ari og kom af stað þeirri rann­sókn sem staðið hefur yfir síðan.

Heim­ildin greindi frá því í októ­ber í fyrra að tækni­menn á vegum hér­aðs­sak­sókn­ara hefðu end­ur­heimt um 1.500 smá­skila­boð á milli Þor­steins Más Bald­vins­sonar, þá for­stjóra Samherja, og Jóhann­esar Stef­áns­sonar, upp­ljóstr­ara í Sam­herj­a­mál­inu.

Þor­steinn Már sagð­ist opin­ber­lega ekk­ert hafa haft með Jóhannes að gera en fjöldi skila­boð­anna sýnir mikil sam­skipti á milli þeirra á meðan Jóhannes stýrði útgerð­ar­fé­lagi Samherja í Namibíu.