Pútín vildi engar málamiðlanir

Sendi­menn Banda­ríkj­anna fund­uðu með Volodimír Selenskí Úkra­ínu­for­seta í Dublin í dag og greindu honum frá við­ræðum við Vladimír Pútín. Rúss­lands­for­seti hafði þá gefið til kynna að stjórn hans myndi ekki hvika frá afdrátt­ar­lausum skil­yrðum sínum fyrir enda­lokum stríðs­ins, sem hefur staðið í nærri fimm ár.

Pútín sagð­ist ekki ætla að slaka á kröfum sínum um yfir­ráð yfir þeim hlutum Úkraínu sem Rússar segj­ast hafa inn­limað. Hann úti­lok­aði jafn­framt að fall­ast á erlendan frið­ar­gæslu­lið í Úkraínu og sagði slíka liðs­send­ingu jafn­gilda „áfram­haldi stríðs“.

Sendi­menn Washingtonstjórnarinnar, Jared Kushner, tengda­sonur Donalds Trumps for­seta, og Steve Witkoff, vinur for­set­ans, voru í Moskvu eftir tveggja daga við­ræður í Abu Dhabi um að binda enda á mestu átök í Evrópu frá síð­ari heims­styrj­öld.

Ummæli Pútíns virt­ust draga úr vonum um að frið­ar­sam­komu­lag væri í nánd. Selenskí hafði áður sagt að „tæki­færi gæf­ist“ til að ná „nið­ur­stöðu“ fyrir árið 2027.