Ætla að tryggja að „Beergate“ endi ekki eins og „Partygate“

Verka­manna­flokk­ur­inn í Bret­landi seg­ist hafa sann­anir fyrir því að Keir Starmer, leið­togi flokks­ins, og starfs­lið hans hafi haldið áfram að sinna vinnu eftir að hafa snætt skyndi­bita og drukkið bjór á skrif­stofu þing­manns flokks­ins.

Umrætt atvik er til rann­sóknar hjá lög­regl­unni í Durham sem mögu­legt brot á gild­andi sótt­varna­reglum. Atvikið átti sér stað 30. apríl 2021 á skrif­stofu þing­manns­ins May Foy í Durham. Á mynd­skeiði sem er nú í dreif­ingu sést Starmer fá sér bjór með sam­starfs­fólki sínu.

Upp­á­koman hefur fengið við­ur­nefnið „Beergate“ og þykir óneit­an­lega svipa til „Par­tygate“-hneyksl­is­ins svo­kall­aða þar sem Boris Johnson for­sæt­is­ráð­herra gerð­ist brot­legur gegn ströngum sótt­varna­reglum sem voru í gildi á tímum heims­far­ald­urs kór­ónu­veirunnar. Breska lög­reglan sektaði John­son, Carrie John­son eig­in­konu hans og Rishi Sunak, fjár­mála­ráð­herra Bret­lands, fyrir að vera við­stödd afmæl­is­veislu for­sæt­is­ráð­herra sem fram fór í Down­ing­stræti 10 19. júní 2020. Johnson hefur ítrekað beðist afsök­unar á afmæl­is­veisl­unni, sem og tveimur sam­kvæmum til við­bótar þar sem hann var við­staddur, en telur sekt­ina ekki ástæðu til afsagnar.

[adspot]Starmer hefur hins vegar lofað að hann muni segja af sér, verði hann sektaður vegna brota á sótt­varna­reglum. Verka­manna­flokk­ur­inn full­yrðir hins vegar að hægt sé að færa sönnur á að atvikið síð­ast­liðið vor hafi ekki verið gegn gild­andi sótt­varna­reglum þar sem aug­ljós­lega hafi verið um vinnu­tengdan við­burð að ræða vegna auka­kosn­inga í Harlepool sem haldnar voru vegna afsagnar þing­manns í kjör­dæm­inu.

Samkvæmt heim­ildum The Guardian hefur þing­flokk­ur­inn tekið saman gögn, meðal ann­ars mynd­skeið, skjöl og sam­skipti úr WhatsApp sem sýna fram á að hóp­ur­inn sem fékk sér að borða saman hafi snúið aftur til vinnu að því loknu og verið að störfum til klukkan eitt eftir mið­nætti.

[links]„Við höfum verið hrein­skilin með það að engar reglur voru brotnar. Við munum leggja fram gögn sem sanna að fólk var við störf fyrir og eftir máls­verð­inn.“ segir heim­ild­ar­maður flokks­ins.

Í yfir­lýs­ingu sem hann sendi frá sér á mánu­dag sagði Starmer að engin lög hefðu verið brotin. Starmer hefur ítrekað kallað eftir afsögn Johnson og Rishi Sunak fjár­mála­ráð­herra, sem var einnig sektaður. Starmer segir málin ólík og bendir á að gild­andi sótt­varna­reglur á þessum tíma hafi vissu­lega bannað sam­komur inn­an­dyra en að vinnu­tengdir við­burðir hafi verið und­an­skildir og það hafi verið til­fellið, hann hafi „ein­fa­d­lega verið að fá sér að borða og vinna fram­eftir“.

Starmer tók því vissa áhættu með því að leggja póli­tísk örlög sín í hendur lög­regl­unnar í Durham. Af hverju ákvað hann að gera það? Að öllum lík­indum þar sem hinn kost­ur­inn, að segja ekk­ert, er álit­inn verri af honum sjálfum og póli­tískum ráð­gjöfum. Nú er staðan í raun ein­föld: Ef lög­reglan sektar Starmer mun hann segja af sér, ann­ars ekki. Búast má við nið­ur­stöðu lög­reglu innan tveggja mán­aða.