Tap upp á rúm­lega 10 millj­ónir króna var á starf­semi hval­veiði­hluta Hvals hf. í fyrra. Kostn­aður við hval­veiði­þátt starf­sem­innar nam tæp­lega 875 millj­ónum króna á meðan Hvalur hf. seldi hval­kjöt fyrir 863 millj­ónir króna. Hvalur hf. stund­aði engar hval­veiðar í fyrra en seldi hluta þess kjöts sem fyr­ir­tækið á til Japans. Þrátt fyrir að fyr­ir­tækið hafi ekki stundað neinar veiðar á lang­reyðum í fyrra nam kostn­að­ur­inn við að við­halda starf­sem­inni og mögu­leik­anum á áfram­hald­andi hval­veiðum hærri upp­hæð en sala á hval­kjöti. Þarf af nam rekstur hval­veiði­skipa, útflutn­ings­tengdur kostn­aður og ýmis kostn­aður í Hval­firði rúm­lega 638 millj­ónum króna. 

Þetta kemur fram í árs­reikn­ingi Hvals hf. sem nýlega var skilað til Rík­is­skatt­stjóra eftir að reikn­ing­ur­inn var sam­þykktur á aðal­fundi félags­ins þann 8. maí. Kristján Loftsson er stærsti hlut­hafi Hvals hf. og fram­kvæmda­stjóri félags­ins sem mun hefja hval­veiðar að nýju við Ísland á næstu dögum. Hval­veið­unum var mót­mælt við Reykja­vík­ur­höfn í gær, sunnu­dag, en til stóð að veiðar hæfust að nýju þá eftir þriggja ára hlé.