Yfirstandandi hvalveiðivertíð hefur verið mikið í deiglunni. Fyrsta langreyðurin í tvö ár var veidd 23. júní en síðan þá hafa Hvalur 8 og Hvalur 9 veitt tíu langreyðar. Heimildin fer hér yfir viðburðaríka og afar umdeilda vertíð.

Watson vill stoppa Kristján á ný

Aðgerðarsinninn Paul Watson hefur dregið mikla athygli að hvalveiðunum í ár en hann hefur í áratugi barist gegn atvinnustarfseminni. Watson skrifaði á samfélagsmiðla þann 26. júní að skipið Bandero, sem tilheyrir samtökum hans, væri á leið til Íslands til að stöðva Kristján Loftsson sem hann kallaði „morðóðan raðmorðingja“. Síðan Bandero kom inn í íslenska lögsögu degi síðar hefur varðskipið Þór á vegum Landhelgisgæslunnar fylgt skipinu eftir.

Þorbjörg Sigríður Gunnlaugsdóttir dómsmálaráðherra hefur sagt að gripið verði til aðgerða ef þarf og að málið snúist um öryggi áhafnarmeðlima, bæði sjómanna Hvals og erlendu áhafnarinnar. „Það er alveg skýrt að hvalveiðar eru löglegar samkvæmt íslenskum lögum, hvað sem mönnum kann …