Skóla­hald á Íslandi verður varla sér­kenni­legra en í Grinda­vík þennan vet­ur­inn. Tæplega þrjá­tíu nem­endur eru í öllum grunn­skólum Grinda­víkur. Kennslu­stundir eru haldnar í skjóli loft­varnaflauta og eld­goss sem gæti brot­ist fram á hverri stundu. Miklir varn­ar­garðar eru allt um kring eins og sést á með­fylgj­andi ljós­mynd þar sem ung­lingur heldur heim á leið, umluk­inn hörðum hvers­dags­leika Grinda­víkur. 

Gos­hrinur síð­ustu ára hafa nán­ast lagt sveit­ar­fé­lagið í eyði. Bæj­ar­búar berj­ast þó fyrir end­ur­reisn sveit­ar­fé­lags­ins og þá skiptir skól­inn höf­uð­máli. Auk þess er stefnt á stór­aukið frí­stunda­starf barna og ung­menna.

Frábrugðið því sem skólastjórinn þekkir

„Skóla­hald fór vel af stað og hefur bara gengið vel,“ segir Guðlaug Erlends­dóttir, skóla­stjóri Grinda­vík­ur­skóla. Hún er þaul­reyndur skóla­stjórn­andi sem hefur starfað víða um land. Hún segir 27 börn vera í skól­anum frá 1. til 10. bekkjar auk þess sem tíu börn eru í leik­skóla bæj­ar­ins.

„Þetta er frá­brugðið því sem ég þekki og telst hefð­bundið,“ svarar Guðlaug, …