Ökumaður bifreiðar sem ók á átta ára dreng á reiðhjóli í Mosfellsbæ í gærkvöldi hefur gefið sig fram við lögreglu. Lögreglan á höfuðborgarsvæðinu hafði áður lýst eftir ökumanninum, sem ók af vettvangi án þess að kanna líðan drengsins.
„Við áreksturinn féll drengurinn af hjólinu og slasaðist, auk þess sem skemmdir urðu á hjólinu, en ökumaður bílsins ók rakleiðis af vettvangi án þess að skeyta um drenginn og líðan hans,“ sagði í tilkynningu lögreglunnar í dag.
Þar áréttaði lögreglan einni að við atvik eins og þetta sé mikilvægt að ökumenn gangi úr skugga um að engin meiðsl hafi hlotist af né að skemmdir hafi orðið. Þá eigi að tilkynna slík mál til lögreglu. Ekki sé víst að áverkar séu alltaf sjáanlegir á vettvangi.
Athugasemdir