Kristrún Frosta­dóttir for­sæt­is­ráð­herra segir að rík­is­stjórnin hygg­ist ekki leggja fram frum­varp um bann við olíu­leit í íslenskri lög­sögu. Fjár­festar sem hafi áhuga á frek­ari rann­sóknum geti leitað form­lega til stjórn­valda.

Þetta kom fram í svari Kristrúnar við fyr­ir­spurn Sig­mundar Davíðs Gunn­laugs­sonar, for­manns Mið­flokks­ins, á Alþingi í dag. Sig­mundur vildi fá skýr svör um hvort stjórn­völd myndu standa í vegi fyrir frek­ari rann­sóknum á olíu og gasi á Dreka­svæð­inu, norð­austur af Íslandi, og hugs­an­legri vinnslu í fram­hald­inu.

„Það er eng­inn fjand­skapur í garð þessa máls frá stjórn­völdum,“ sagði Kristrún og bætti síðar við að áhuga­samir aðilar þyrftu að bera sig eftir björg­inni gagn­vart stjórn­völdum. „Það er bara í góðu lagi mín vegna.“

Vill að stjórnvöld taki vel á móti fjárfestum

Sig­mundur Davíð hefur lagt fram þings­á­lykt­un­ar­til­lögu um olíu- og gasvinnslu og segir mikla fjár­hags­lega hags­muni geta falist í því að nýta mögu­legar auð­lindir á Dreka­svæð­inu.

Hann gagn­rýndi við­brögð stjórn­valda við end­ur­vak­inni …