Donald Trump, for­seti Banda­ríkj­anna, réðst í gær gegn lík­legum næsta borg­ar­stjóra Washington og kall­aði hana komm­ún­ista sem myndi eyði­leggja höf­uð­borg­ina. Á sama tíma kynnti hann stór­feng­legar bygg­ing­ar­á­ætl­anir, þar á meðal end­ur­bætur á golf­velli.

Trump sagði í færslu á Truth Social að hann myndi á morgun funda með Janeese Lewis George, sem sigr­aði í for­vali Demókra­ta­flokks­ins, sem tryggir nán­ast að hún muni sigra í kosn­ing­unum í nóv­em­ber í þess­ari borg þar sem demókratar eru í miklum meiri­hluta.

En Trump var­aði við því að hann myndi ekki leyfa að Washington, sem hann sagð­ist hafa gert að „öruggu og virtu sam­fé­lagi“ á ný með því að senda þangað þjóð­varð­liða, „yrði eyðilögð af komm­ún­ista“.

Trump hefur nýlega aukið notkun sína á orð­inu „komm­ún­isti“ til að lýsa póli­tískum and­stæð­ingum, meðal ann­ars með því að kalla þrjá sig­ur­veg­ara í for­vali demókrata í New York í síð­ustu viku, sem studdir voru af vinstri­s­inn­aða borg­ar­stjór­anum Zohran Mamdani, „guð­lausa …