Byssu­maður sem hóf skot­hríð á leyni­þjón­ustu­menn fyrir utan Hvíta húsið í kvöld er lát­inn af skotsárum, að því er fram kemur í yfir­lýs­ingu frá leyni­þjón­ust­unni sem send var á banda­ríska fjöl­miðla.

Veg­far­andi varð einnig fyrir skoti í skot­bar­dag­anum, að sögn stofn­un­ar­innar, en ekki var gefið upp um ástand fórn­ar­lambs­ins.

Eftir að byssu­mað­ur­inn hóf skot­hríð á lög­reglu­menn á örygg­is­eft­ir­lits­stöð nálægt Hvíta hús­inu „svör­uðu lög­reglu­menn leyni­þjón­ust­unnar skot­hríð­inni og hæfðu hinn grun­aða, sem var fluttur á sjúkra­hús á svæð­inu þar sem hann lést síðar“, segir í yfir­lýs­ing­unni.

Lögregla og örygg­is­sveitir þyrpt­ust að Hvíta hús­inu í kvöld eftir að skotum var hleypt af á svæð­inu, að sögn yfir­valda.

Donald Trump, for­seti Banda­ríkj­anna, var í Hvíta hús­inu á þeim tíma en hann vann að því að semja við Íran.

Lög­reglan girti af aðgang að Hvíta hús­inu og þjóð­varð­liðar komu í veg fyrir að frétta­maður AFP kæm­ist inn á svæðið í mið­borg Washington.

Á vett­vangiFrétta­menn í Hvíta hús­inu mynd­uðu út um glugg­ann og fyrir utan var vett­vangur árás­ar­innar lok­aður af.

„Alrík­is­lög­reglan er á staðnum og aðstoðar leyni­þjón­ust­una við að bregð­ast við skot­hríð nálægt lóð Hvíta húss­ins,“ sagði Kash Patel, for­stjóri alrík­is­lög­regl­unnar, á X.

Bret Baier, þátta­stjórn­andi Fox News, hafði eftir hátt­settum emb­ætt­is­manni að byssu­maður hefði nálg­ast vest­ur­hlið Hvíta húss­ins og hleypt af þremur skotum.

Leyni­þjón­ustu­menn svör­uðu skot­hríð­inni og skutu byssu­mann­inn en veg­far­andi varð fyrir skoti í skot­bar­dag­anum, sagði hann á X. Byssu­mað­ur­inn komst aldrei í gegnum örygg­is­girð­ingu Hvíta húss­ins.

Kanadíski ferða­mað­ur­inn Reid Adrian sagði við AFP að hann hefði verið á svæð­inu þegar „við heyrðum lík­lega 20 til 25 skot sem hljóm­uðu eins og flug­eldar, en þetta voru byssu­skot, og þá fóru allir að hlaupa.“

Frétta­menn sem voru á norð­ur­flöt Hvíta húss­ins á þeim tíma sögðu að þeim hefði verið skipað að hlaupa og leita skjóls í blaða­manna­her­berg­inu.

Selina Wang, frétta­rit­ari ABC News, hafði verið að taka upp mynd­band fyrir sam­fé­lags­miðla þegar skot­hríðin hófst og náði hljóð­inu af skot­unum þegar hún kastaði sér til jarðar.

„Þetta hljóm­aði eins og tugir byssu­skota,“ sagði hún á X.

Tals­maður leyni­þjón­ust­unnar sagði við AFP í texta­skila­boðum að stofn­unin væri enn að safna upp­lýs­ingum um atvikið.

Banatilræði gegn Trump

Trump, sem er 79 ára, hefur verið skot­mark þriggja meintra bana­til­ræða og átti það síð­asta sér stað 25. apríl þegar vopn­aður maður réðst inn á örygg­is­eft­ir­lits­stöð á hót­eli þar sem Trump var við­staddur fjöl­miðla­há­tíð.

Maðurinn komst aldrei nálægt Trump eða öðrum gestum sem voru við­staddir við­burð­inn.

Í júlí 2024 var ráð­ist á Trump á kosn­inga­fundi í Butler í Penn­syl­vaníu. Byssu­maður hleypti af nokkrum skotum, drap áhorf­anda og særði þáver­andi for­seta­fram­bjóð­anda lít­il­lega í eyrað.

Nokkrum mán­uðum síðar var annar vopn­aður maður hand­tek­inn á golf­velli í West Palm Beach þar sem Trump var að spila golf.

„Guði sé lof að Trump for­seti er óhultur,“ sögðu repúblikanar á þingi á X eftir skotárás­ina.

„Enda­laust þakk­læti til leyni­þjón­ust­unnar fyrir taf­ar­laus og hetju­leg við­brögð. Póli­tísku ofbeldi verður að linna.“