Seðla­banka­stjóri gagn­rýndi í morgun launa­hækk­anir almenn­ings, í kjöl­far þess að pen­inga­stefnu­nefnd Seðla­bank­ans, sem hann veitir for­mennsku, ákvað að halda vöxtum óbreyttum í 7,25%. Vext­irnir eru þeir hæstu í Evrópu utan stríðs­svæða og ein­ræð­is­ríkja.

Ásgeir Jónsson seðla­banka­stjóri gagn­rýndi á fund­inum enn á ný launa­hækk­anir, sem hafa verið 7 til 8 pró­sent á einu ári, sam­kvæmt launa­vísi­tölu. Opin­berir starfs­menn hafa hins vegar leitt launa­hækk­an­irnar síð­ast­liðið ár.

„Enn sem komið er er eitt helsta vanda­mál pen­inga­stefn­unnar mjög heitur vinnu­mark­aður og miklar launa­hækk­anir,“ sagði Ásgeir á fundi pen­inga­stefnu­nefndar í morgun. „Einn stærsti vandi síð­ustu fjög­urra, fimm ára, er að launa­hækk­anir hafa verið miklu meiri heldur en sam­rým­ist verð­bólgu­mark­miði.“ 

Hann sagði þó að það væri „aukin kólnun á vinnu­mark­aði“. 

„Við bindum vonir við að það hægi á launa­hækk­unum, en ég meina, það datt inn fjögur pró­sent hækkun launa í byrjun jan­úar,“ bætti hann við, en í …