„Við höfum ekki verið að vinna fyrir Samherja. En ég get sagt þér það að það var haft sam­band við okkur um helg­ina og það var leitað ráða hjá okkur og við sögðum okkar skoðun á því, þessu máli. Þetta er það sem við gerum yfir­leitt þegar leitað er ráða hjá okkur,“ segir Ingvar Sverr­is­son, fram­kvæmda­stjóri og ráð­gjafi hjá almenna­tengsla­fyr­ir­tæk­inu ATON. „Eins og málið er vaxið finnst mér í lagi að segja þetta,“ segir Ingvar sem stað­festir með orðum sínum að félagið hafi unnið fyrir Samherja í tengslum við yfir­lýs­ingu með afsök­un­ar­beiðni frá útgerð­inni sem birt­ist í gær.

Stað­festir aðstoð­inaIngvar Sverr­is­son stað­festir að Aton hafi veitt Samherja fjöl­miðla­ráð­gjöf um helg­ina.

Nýr tónn hjá Samherja 

Segja má að kveðið hafi við nokkuð nýjan tón hjá Samherja um helg­ina þegar fyr­ir­tækið baðst afsök­unar á umræðu og umfjöllun hinnar svoköll­uðu „skæru­liða­deildar“ útgerð­ar­innar.  Í ljósi þessa nýja tóns hefur þeirri spurn­ingu verið velt upp hvaða almanna­tengsla­fyr­ir­tæki hafi aðstoðað Samherja við þessa yfir­lýs­ingu. 

Yfir­lýs­ing Samherja hefur vakið tals­verða athygli, bæði af því að Samherji baðst afsök­unar á ein­hverju og eins vegna þess að nokkuð óljóst var á hverju Samherji var nákvæm­lega að biðj­ast afsök­unar á og hvern félagið var að biðja afsök­unar. Þegar Samherji baðst afsök­unar í gær var liðin rúm vika frá því að Stundin og Kjarninn fjöll­uðu um skæru­liða­deild­ina. 

Samherji ber eitt ábyrgð á yfirlýsingunni

Ingvar segir að hann geti ekki farið nákvæm­legaa út í hvers eðlis vinna ATON fyrir Samherja var og að útgerðin beri ein ábyrgð á inn­taki yfir­lýs­ing­ar­innar. „Yfir­lýs­ingin er alfarið á ábyrgð Samherja og þeir verða að svara fyrir hana. […] Eins og ég segi: Þeir hringdu í okkur um helg­ina. Þetta er í raun það sem ég get sagt,“ segir Ingvar.

Blaða­maður: „Þannig að yfir­lýs­ingin er ekki skrifuð af ykkur?“

Ingvar: „Eins og ég segi þá vil ég ekki tjá mig eitt né neitt um þá ráð­gjöf sem við gefum umfram það sem ég hef sagt.“