Ráð­gjafa­fyr­ir­tækið Capacent hefur nýtt sér hluta­bóta­leið stjórn­valda en fram­kvæmda­stjóri fyr­ir­tæk­is­ins seg­ist ekki geta upp­lýst um hversu margir starfs­menn hafa verið færðir í minna starfs­hlut­fall nema með sam­þykki stjórnar. Það sam­þykki fái hann ekki fyrr en eftir helgi í fyrsta lagi. Hagnaður fyr­ir­tæk­is­ins nam rúmum þrettán millj­ónum króna árið 2018 og lagði stjórn til að greiddur yrði út arður að upp­hæð 7,3 millj­ónir króna á árinu 2019. Árs­reikn­ingur fyrir árið 2019 hefur ekki verið birtur.

Halldór Þor­kels­son, fram­kvæmda­stjóri Capacent, stað­festi í sam­tali við Stundina að fyr­ir­tækið hefði nýtt sér hluta­bóta­leið­ina. „Já, það er rétt,“ sagði Halldór en vildi ekki tjá sig frekar um málið að svo komnu máli. „Ég hefði nú viljað fá full­vissu um það frá minni stjórn um að mér væri alveg bært að tjá mig um þetta, þannig að ég myndi vilja vera alveg klár á því að ég mætti það. Svo skal ég glaður svara þessu.“

Spurður hvernig á því stæði að hann þyrfti heim­ild stjórnar til að tjá sig um málið sagði Halldór að hann vildi bara full­vissa sig um að honum væri það heimit og sömu­leiðis upp­lýsa stjórn fyr­ir­tæk­is­ins um að hann hefði fengið spurn­ingar sem þessa. Spurður hvenær sú heim­ild yrði til­tæk sagði Halldór: „Á mánu­dag ætti ég að geta verið alveg klár í spjallið.“

Samkvæmt heima­síðu Capacent á Íslandi vinna um 50 ráð­gjafar hjá fyr­ir­tæk­inu sem hjálpa við­skipta­vinum sínum að finna og ráða fólk í störf, móta skipu­lag fyr­ir­tækja, efla stjórnun og mannauð og aðstoða við hag­ræð­ingu í rekstri, auk ann­ars. Ekki var hægt að fá upp­lýs­ingar um það að svo stöddu máli hvers vegna fyr­ir­tækið hefði talið þörf á að nýta hluta­bóta­leið­ina eða hvernig efna­hag­skreppan af völdum Covid-19 hefði hitt fyr­ir­tækið fyrir.