Þessi grein birtist upphaflega í Stundinni fyrir meira en 7 árum.

Lilja segir málflutning Sveinbjargar ekki samrýmast stefnu Framsóknarflokksins

Um­mæli Svein­bjarg­ar Birnu Svein­björns­dótt­ur um kostn­að vegna barna hæl­is­leit­enda hafa ver­ið harð­lega gagn­rýnd. Formað­ur flokks­ins seg­ir þau klaufsk, ung­ir fram­sókn­ar­menn hafa lýst yf­ir van­trausti og vara­formað­ur flokks­ins, Lilja Dögg Al­freðs­dótt­ir, seg­ir þau ekki sa­mý­mast stefnu flokks­ins.

Lilja segir málflutning Sveinbjargar ekki samrýmast stefnu Framsóknarflokksins
Varaformaður Framsóknarflokksins Lilja Dögg Alfreðsdóttir segir ummæli Sveinbjargar ekki samrýmast stefnu Framsóknarflokksins. Þá sé það prinsipp mál að reyna alltaf að bæta kjör allra barna hér á landi. Mynd: Heiða Helgadóttir

Lilja Dögg Alfreðsdóttir, varaformaður Framsóknarflokksins, segir málflutning Sveinbjargar Birnu Sveinbjörnsdóttur, borgarfulltrúa og oddvita Framsóknar og flugvallarvina, um börn hælisleitenda, ekki samrýmast stefnu Framsóknarflokksins. „Það er ekki stefna flokksins að tala um að menntun barna sé sokkin kostnaður,“ segir Lilja. 

Sveinbjörg Birna sagði í viðtali á Útvarpi Sögu fyrir viku síðan að „sokkinn kostnaður“ fælist í því fyrir Reykjavíkurborg að börn hælisleitenda fengju að stunda nám í grunnskólum borgarinnar. Þá viðraði hún þá hugmynd hvort eðlilegt væri ekki að börn hælisleitenda yrðu sett í sérstakan skóla þangað til ákvarðað væri um hvort fjölskyldur þeirra fengju dvalarleyfi hér á landi eða ekki.

„Það hefur engin málefnavinna verið unnin varðandi þetta mál. Þá eigum við alltaf að reyna að bæta kjör barna og líka þeirra sem koma hingað til lands. Það er prinsipp mál,“ segir Lilja.

Sveinbjörg Birna SveinbjörnsdóttirHefur verið harðlega gagnrýnd af samflokksmönnum sínum fyrir ummæli sín um börn hælisleitenda.

Ummæli Sveinbjargar hafa verið fordæmd innan raða Framsóknarmanna. Stjórn félags ungra Framsóknarmanna í Reykjavík (SIGRÚN) lýsti yfir vantrausti á Sveinbjörgu. „Kannski ekki alveg stjórnlaus, en svo ég noti bara hreina íslensku, hún virðist bara vera vitlaus,“ sagði Ragnar Rögnvaldsson, formaður Sigrúnar, um Sveinbjörgu í þættingum Harmageddon á X-inu í gærmorgun.

Þá gagnrýndi Guðfinna Jóhanna Guðmundsdóttir, hinn borgarfulltrúi Framsóknar og flugvallarvina, Sveinbjörgu fyrir ummæli sín. „Kjörinn fulltrúi á ekki að láta svona út úr sér og tala um að aðstoð við börn sé sokkinn kostnaður,“ sagði Guðfinna meðal annars á Facebook. Þá tók Guðfinna það sérstaklega fram að skoðun Sveinbjargar væri ekki skoðun eða stefna Framsóknar og flugvallarvina.

Auk þeirra hefur formaður Framsóknar, Sigurður Ingi Jóhannsson, gagnrýnd Sveinbjörgu fyrir ummæli sín. „Ég lít svo á að þessi ummæli Sveinbjargar séu bæði óheppileg og klaufsk, maður talar ekki svona um börn,“ sagði Sigurður.

Barátta um oddvitasætið

Ekki liggur fyrir hvernig forysta Framsóknarflokksins verður skipuð í næstu sveitarstjórnarkosningum, en þær fara fram á næsta ári. „Það hefur auðvitað verið rætt og ég hef svo sem lýst því yfir innan flokksins ég mun ekki taka ákvörðun um það fyrr en í haust og ef ég held áfram þá er það eingöngu til að gefa kost á mér í fyrsta sætið,“ sagði Guðfinna í samtali við Rúv fyrr í vikunni.

Guðfinna skipaði annað sætið á lista Framsóknar fyrir sveitarstjórnarkosningarnar 2014. Í kosningunum vann Framsókn mikinn sigur og hlaut 11,8 prósent atkvæða, rúmlega fjórfalt fleiri meira fylgi en í kosningnum 2010.

Fylgi flokksins tók stökk eftir að Sveinbjörg, hvatti til þess í viðtali og á Facebook að úthlutun lóðar til byggingar mosku yrði afturkölluð. Í kjölfar ummælanna „lækaði“ og deildi Sveinbjörg efni á Facebook þar sem alhæft var um múslima og „hermenn Íslam“, fullyrt að innflytjendur væru ófúsir að aðlagast og fjölgun múslíma í Noregi var gerð tortryggileg. Skömmu síðar sagðist Guðfinna Jóhanna Guðmundsdóttir, þá nýkjörinn borgarfulltrúi flokksins, ekki hafa áhyggjur af því hvort jafnræðisreglan væri brotin gagnvart múslimum með því að afturkalla úthlutun lóðarinnar, enda væri mikilvægara að fólk hefði húsnæði í Reykjavík. Þannig var fjárhagslegum hagsmunum Reykvíkinga stillt upp andspænis múslimum og látið í veðri vaka að múslimar væru hluti af húsnæðisvandanum.

Ekki náðist í Sveinbjörgu Birnu við vinnslu fréttarinnar. Þá liggur ekki fyrir hvort hún muni sækjast eftir oddvitasætinu í næstu sveitarstjórnarkosningum en geri hún það munu þær Guðfinna Jóhanna þurfa að berjast um sætið.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Moskumálið

Talsmenn óttans
RannsóknMoskumálið

Tals­menn ótt­ans

Þjóð­ern­is­hyggja hef­ur alltaf ein­kennt ís­lensk stjórn­mál en á síð­ustu ár­um hef­ur það færst í auk­ana að stjórn­mála­menn nota þjóð­ern­ispo­púl­isma, and­úð á út­lend­ing­um og hræðslu­áróð­ur til þess að auka fylgi sitt. Flokk­ur sem el­ur á tor­tryggni í garð múslima sæk­ir ört í sig veðr­ið og mæl­ist nú með tveggja pró­senta fylgi, en þarf fimm til þess að koma manni á þing.
Leyniskjal: Hagsmunamál Sádi-Arabíu að styrkja íslenska múslima
FréttirMoskumálið

Leyniskjal: Hags­muna­mál Sádi-Ar­ab­íu að styrkja ís­lenska múslima

Sádí-Ar­ab­ía hugð­ist styrkja Fé­lag múslima á Ís­landi þar sem það taldi það vera sér í hag. Í leyniskjali sem Wiki­leaks hef­ur birt kem­ur fram að kon­ungs­rík­ið hefði ákveð­ið að styrkja Menn­ing­ar­set­ur múslima til kaupa á Ým­is­hús­inu í upp­hafi árs 2013. Sal­mann Tamimi tel­ur að Sádí-Ar­ab­ía hafi vilj­að hafa áhrif á bæði fé­lög múslima á Ís­landi.

Mest lesið

Segja svör Íslands hvorki viðunandi né í samræmi við raunveruleikann
6
Fréttir

Segja svör Ís­lands hvorki við­un­andi né í sam­ræmi við raun­veru­leik­ann

Hvít­þvott­ur, inni­halds­leysi og óvið­un­andi svör sem eru ekki í tengsl­um við raun­veru­leik­ann eru með­al þeirra orða sem Geð­hjálp not­uðu til að lýsa svör­um Ís­lands um geð­heil­brigð­is­mál í sam­ráðs­gátt. Inn­an stjórn­kerf­is­ins er unn­ið að drög­um að mið­ann­ar­skýrslu Ís­lands vegna alls­herj­ar­út­tekt­ar Sam­ein­uðu þjóð­anna á stöðu mann­rétt­inda­mála.

Mest lesið

Mest lesið í vikunni

„Á ekki möguleika á að fá réttláta málsmeðferð“
2
Fréttir

„Á ekki mögu­leika á að fá rétt­láta máls­með­ferð“

Nauðg­un­ar­kær­an var felld nið­ur, en um­boðs­mað­ur Al­þing­is tek­ur und­ir að­finnsl­ur við rann­sókn lög­reglu, varð­andi at­riði sem hefðu getað skipt máli við sönn­un­ar­mat. Eft­ir at­hug­un á máli Guðnýj­ar S. Bjarna­dótt­ur sendi um­boðs­mað­ur Al­þing­is einnig rík­is­sak­sókn­ara ábend­ingu varð­andi varð­veislu gagna í saka­mál­um og árétt­aði mik­il­vægi þess að ákær­andi hafi öll gögn und­ir hönd­um þeg­ar hann tek­ur af­stöðu.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
1
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Drengir kvörtuðu undan kennara og var meinað að sitja kennslustundir
5
Úttekt

Dreng­ir kvört­uðu und­an kenn­ara og var mein­að að sitja kennslu­stund­ir

Tólf ára gaml­ir dreng­ir leit­uðu til skóla­stjóra vegna meints of­beld­is af hálfu kenn­ara. Í kjöl­far­ið var þeim mein­að að sitja kennslu­stund­ir hjá kenn­ar­an­um. Ann­ar baðst af­sök­un­ar eft­ir tvær vik­ur og fékk þá að koma aft­ur í tíma. Hinn sætti út­skúf­un í tvo mán­uði, áð­ur en skól­an­um var gert að taka dreng­inn aft­ur inn í tíma. For­eldr­ar drengs­ins segja kerf­ið hafa brugð­ist barn­inu og leit­uðu að lok­um til lög­reglu.

Mest lesið í mánuðinum

Nýtt efni

Mest lesið undanfarið ár