Aðeins rúm­lega þriðj­ungur stuðn­ings­manna rík­is­stjórnar Sjálf­stæð­is­flokks­ins og Fram­sókn­ar­flokks­ins er til­bú­inn að leyfa Félagi múslima á Íslandi að byggja trú­ar­bygg­ingu á land­inu, sam­kvæmt svörum í nýrri spurn­inga­könnun MMR. 

Einungis 36% stuðn­ings­fólks rík­is­stjórn­ar­innar styður frelsi félags­manna til að reisa trú­ar­bygg­ingu, en 57% vilja banna það.

Samkvæmt könn­un­inni er meiri­hluti stuðn­ings­fólks Sjálf­stæð­is­flokks­ins and­vígt frelsi helsta trú­fé­lags múslima til að reisa trú­ar­bygg­ingu hér á landi, eða 51,4%, en frelsi er eitt af helstu gildum og ein­kenn­is­orðum flokks­ins.

Frelsi og jafn­réttiFrá lands­fundi Sjálf­stæð­is­flokks­ins.

Mynd: Sjálf­stæð­is­flokk­ur­inn á Facebook

Kjörorð síð­asta lands­fundar Sjálf­stæð­is­flokks­ins var „Frelsi og jafn­rétti - for­senda fram­fara.“ Í frétta­til­kynn­ingu flokks­ins sagði að ítrekað hefði verið á fund­inum „að frelsi ein­stak­lings­ins væri grunn­ur­inn að sann­gjörnu og umburð­ar­lyndu samfélagi, þar sem virð­ing væri borin fyrir ólíkum lífsháttum.“

Af stuðn­ings­mönnum ann­arra stjórn­mála­flokka voru það aðeins fram­sókn­ar­menn sem voru vilj­u­g­ari til að banna múslimum að reisa trú­ar­bygg­ingu, eða tæp­lega 57%. Fram­sókn­ar­flokk­ur­inn hafði sem eitt af kosn­inga­málum sínum í síð­ustu borg­ar­stjórn­ar­kosn­ingum að vinna gegn heim­ild Félags múslima á Íslandi til að reisa mosku í Reykja­vík.

Andstaða við trú­fé­lögÁ mynd­inni er and­staða við að til­tekin trú­fé­lög reisi trú­ar­bygg­ingar skýrð eftir hópum og stjórn­mála­skoð­unum.

Mynd: MMR

Aðeins 11 pró­sent svar­enda vildi hins vegar banna hinni kristnu þjóð­kirkju að reisa trú­ar­bygg­ingar. Ungt fólk á aldr­inum 18 til 29 ára og stuðn­ings­menn Pírata skáru sig hins vegar úr, þar sem fimmti hver úr þeim hópum var and­vígur frelsi þjóð­kirkj­unnar til að reisa kirkjur.