Seljendalán sem Þorsteinn Már Baldvinsson og Helga Steinunn Guðmundsdóttir veittu börnum sínum árið 2020 fyrir kaupum á hlut þeirra í útgerðarveldinu Samherja – þegar fram fóru ein umfangsmestu kynslóðaskipti sem orðið höfðu í íslenska kvótakerfinu – hefur verið greitt upp. Það var gert með því að breyta 80 milljóna evra láni í nýtt hlutafé, en ekki með peningagreiðslu.
Þetta sýna ársreikningar félagsins K&B ehf., sem heldur utan um eignarhlut systkinanna Kötlu og Baldvins Þorsteinsbarna, og eignarhaldsfélaganna Steins og 600, sem bæði eru í eigu fjölskyldunnar, sem og önnur gögn sem lögð hafa verið fram hjá yfirvöldum.
K&B á tæpan helming af öllu útgefnu hlutafé í Samherja hf, sem er eitt stærsta útgerðarfélag landsins, auk þess sem Baldvin tók við forstjórastöðunni í útgerðinni af pabba sínum, Þorsteini, á síðasta ári.
Réttindin sem fylgja nýju bréfunum sem félög Þorsteins og Helgu fengu sem greiðslu fyrir seljendalánið tryggir handhöfum þeirra fasta árlega ávöxtun, …
Hér er fjallað um aðra fjölskyldu sem er i sömu sporum:
https://heimildin.is/grein/26707/milljarda-fjarfestingar-gudbjargar-sem-ekki-sjast-i-skyrslunni/
Þegar núverandi kvótakerfi var komið á, á sínum tíma, var nígeríska leiðin valin af íslenskum stjórnvöldum þegar sú norska var fær og hefði verið sú eðlilega ef hagsmunir heildarinnar hefðu verið hafðir í fyrirrúmi.
Síðan hefur svo sem lítið verið gert til að leiðrétta þetta óréttlæti, því miður. Smáviðleitni í fyrra en betur má ef duga skal.
En það sem e.t.v. er furðulegast, flestum virðist nákvæmlega sama? Þannig blasir það að minnsta kosti við manni.