Gríð­ar­legur mann­fjöldi fór út á götur í dag í öllum 50 ríkjum Banda­ríkj­anna til að láta í ljós reiði sína yfir harð­línu­stefnu Donalds Trumps for­seta. Mótmælin eru undir yfir­skrift­inni „Enga kon­unga“, en þeim hefur verið lýst sem „Hötum Banda­ríkin“-fundi af sam­flokks­mönnum for­set­ans, meðal ann­ars leið­toga þing­meiri­hlut­ans í full­trúa­deild­inni, Mike Johnson.

Allt frá New York og Washington til smærri borga í Michigan og að öðru heim­ili Trumps í Flórída, hófust mót­mæli í aust­ur­hluta Banda­ríkj­anna á undan svip­uðum við­burðum sem áætl­aðir voru vest­an­hafs.

Meira en 2.700 mót­mæli eru fyr­ir­huguð frá aust­ur­strönd­inni til vest­ur­strand­ar­innar og segja skipu­leggj­endur að þeir búist við millj­ónum þátt­tak­enda.

„Svona lítur lýð­ræði út!“ hróp­uðu þús­undir í mót­mælum í Washington nálægt National Mall, þar sem helstu kenni­leiti borg­ar­innar eru.

„Hey hey hó hó, Donald Trump verður að fara!“ köll­uðu mót­mæl­endur þar, margir þeirra með banda­ríska fána.

Mót­mæl­endur eru æfir yfir því sem þeir líta á sem ein­ræð­istil­burðir síðan millj­arða­mær­ing­ur­inn úr röðum repúblik­ana sneri aftur í Hvíta húsið í jan­úar, þar á meðal árásum á fjöl­miðla, sak­sóknum á hendur póli­tískum and­stæð­ingum og víð­tækum aðgerðum gegn inn­flytj­endum.

Lokun banda­rískra stofn­ana stendur nú yfir þriðju vik­una, vegna ósam­komu­lags um fjár­lög, en á meðan hefur rík­is­stjórn Trumps hefur rekið þús­undir alrík­is­starfs­manna og þing­menn sýna lítil merki um að þeir séu til­búnir að leysa úr patt­stöð­unni.

Þúsundir flykkt­ust á Times Square í New York, Boston Common og Grant Park í Chicago.

„Ég hélt aldrei að ég myndi lifa það að sjá dauða lýð­ræð­is­ins í land­inu mínu,“ sagði Colleen Hoffman, 69 ára eft­ir­launa­þegi, við AFP þar sem hún gekk niður Broadway.

„Við erum í krísu – grimmd þess­arar stjórnar, alræð­istil­burð­irnir. Mér finnst ég bara ekki geta setið heima og gert ekki neitt.“

Í Queens-hverf­inu í New York báru mót­mæl­endur lit­rík skilti með áletr­unum eins og „Queens segir enga kon­unga“ og „Við mót­mælum vegna þess að við elskum Banda­ríkin og viljum þau aftur!“ á meðan sumir hróp­uðu: „Við elskum landið okkar, við þolum ekki Trump!“

Í Los Angeles ætla skipu­leggj­endur að láta risa­stóra blöðru af Trump í bleyju svífa. Þeir sögð­ust búast við 100.000 manns á svæðið.

Hingað til hafa við­brögð Trumps við atburðum dags­ins verið lítil.

„Þeir segj­ast kalla mig kon­ung. Ég er ekki kon­ungur,“ sagði hann í þætt­inum „Sunday Morning Futures“ á Fox News. Hann hefur þó birt gervi­greind­ar­mynd af sér sem kon­ungi.

Helstu stuðn­ings­menn hans voru í meiri bar­áttu­hug, þar sem for­seti full­trúa­deild­ar­innar, Mike Johnson, kall­aði mót­mælin „Hötum Banda­ríkin-fund­inn“.

„Þið ætlið að leiða saman marx­ista, sós­í­alista, Antifa-fylgj­endur, anar­kista og Hamas-væng hins rót­tæka vinstri arms Demókra­ta­flokks­ins,“ sagði hann við frétta­menn.

Þing­maður repúblik­ana, Tom Emmer, not­aði einnig orða­sam­bandið „Hötum Ameríku“ og vís­aði til þátt­tak­enda sem „hryðju­verka­vængs“ Demókra­ta­flokks­ins.

„Land jafningja“

Hreyf­ingin að baki „Engra kon­unga“ er jafn­vel að skipu­leggja við­burði í Kanada og lítil mót­mæli fóru fram í dag í Malaga á Spáni og Malmö í Svíþjóð.

Á fimmtu­dag sagði Deirdre Schifeling, yfir­maður stjórn­mála- og hags­muna­mála hjá banda­rísku borg­ara­rétt­inda­sam­tök­unum (ACLU), að mót­mæl­endur vildu koma þeim skila­boðum á fram­færi að „við erum land jafn­ingja.“

„Við erum land laga sem gilda fyrir alla, rétt­látrar máls­með­ferðar og lýð­ræðis. Við látum ekki þagga niður í okkur,“ sagði hún við frétta­menn.

Leah Greenberg, annar stofn­andi Indi­visi­ble Project, gagn­rýndi til­raunir rík­is­stjórnar Trumps til að senda þjóð­varð­liðið inn í banda­rískar borgir og herða aðgerðir gegn óskráðum inn­flytj­endum.

Trump hefur fyr­ir­skipað þjóð­varð­liðum að fara til Los Angeles, Washington og Memphis. Til­raunir til að senda her­lið til Chicago og Portland í Oregon hafa hingað til verið stöðv­aðar fyrir dóm­stólum.

„Þetta er klass­íska hand­bók alræð­is­sinn­ans: hóta, ófrægja og ljúga, hræða fólk til und­ir­gefni,“ sagði Greenberg.

Leiðtogi demókrata í öld­unga­deild­inni, Chuck Schumer, hvatti mót­mæl­endur til að láta í sér heyra.

„Ég segi við sam­landa mína á þessum degi engra kon­unga: Ekki láta Donald Trump og repúblik­ana hræða ykkur til þagnar. Það er það sem þeir vilja gera. Þeir eru hræddir við sann­leik­ann,“ skrif­aði hann á X á laug­ar­dag.

„Tjáið ykkur, notið rödd ykkar og nýtið ykkur mál­frelsið.“

Ný rann­sókn Pew Research Center sýnir hins vegar að leið­togar demókrata eru veru­lega óvin­sælir og eru fleiri kjós­enda demókrata óánægðir með Schumer en ánægðir.