Íbúar í höf­uð­borg Kína voru ögrandi og áhyggju­litlir í dag þegar frétta­menn AFP spurðu þá út í nýj­ustu hótun Donalds Trumps, for­seta Banda­ríkj­anna, um að leggja á nýja, íþyngj­andi tolla á landið.

Í gær til­kynnti Trump skyndi­lega að Banda­ríkin myndu leggja 100 pró­senta við­bót­ar­tolla á allan inn­flutn­ing frá Kína frá og með 1. nóv­em­ber „eða fyrr“, og varp­aði efa­semdum á vænt­an­legan fund með Xi Jinping, for­seta Kína.

Kínversk yfir­völd hafa enn ekki brugð­ist opin­ber­lega við hót­un­inni, sem Trump sagði að væri í hefnd­ar­skyni fyrir nýjar útflutn­ings­tak­mark­anir Peking á sviði mik­il­vægra sjald­gæfra jarð­málma. Þrátt fyrir að hafa sjálfur átt frum­kvæðið að umfangs­miklum tollum gegn öðrum löndum, undrað­ist Trump „fjand­sam­legar“ aðgerðir Kínverja í milli­ríkja­við­skiptum. „Það er engan veg­inn hægt að leyfa Kína að halda heim­inum í gísl­ingu,“ skrif­aði Trump á sam­fé­lags­mið­il­inn sinn.

Utan­ríkis- og við­skipta­ráðu­neyti Kína tjáðu sig ekki þegar AFP leit­aði eftir því í dag. Almenn­ingur sat hins vegar ekki á …