Það hafði mikil áhrif á líf mitt að flytja til Íslands. Það breytti lífinu mínu klárlega að koma hingað. Ég fæddist hér. Mamma og pabbi fluttu út með mig þegar ég var ungur til að eltast við ameríska drauminn – og þau fundu hann. Pabbi á byggingafyrirtæki og mamma mín hefur það fínt. Hún segir að Ísland hafi ekki verið slæmur staður. Það var bara auðveldara að græða peninga í Bandaríkjunum. 

Ég er búinn að vera hérna í tíu ár. Ég var gerður útlægur úr Bandaríkjunum. Ég hafði verið þar í 34 ár. Það var fyrir að reykja gras. Veistu hvað er fyndið við það? Núna er það löglegt alls staðar.

Ég var líka tekinn fyrir að aka undir áhrifum nokkrum sinnum. Þeir breyttu reglunum. Einu sinni var hægt að fremja tvö lítil brot svo lengi sem þú værir ekki fangelsaður á fimm ára tímabili. En eftir 11. september breyttu þeir því svo það væri tíu ára tímabil. Svo það fór illa með mig. Eins og ég segi, þetta er eitthvað sem er selt á hverju götuhorni.

Veistu hvað var mesta sjokkið þegar ég kom til Íslands? Ég hélt að það væru engin eiturlyf hér. Því síðast þegar ég var hér var árið 1988 og það reykti enginn gras. Það er fínt að vera hérna. Niðri í bæ eru það rónar og fíklar sem vakta göturnar, meira en held ég lögreglan gerir. Hefur þú hangið eitthvað með þeim? Þeir dæma ekki, það eru allir frekar fínir.