Fréttir Jarðhræringar við Grindavík

Kærustupar ætlaði að gista í Grindavík en lenti á grjóti og í rýmingu

„Þetta er reynsla sem breytir lífinu,“ segir William Skilling, í fjöldahjálpastöðinni í Kórnum í Kópavogi, eftir viðburðaríka Íslandsferð sem fór afvega á síðustu metrunum. Hann og kærasta hans keyrðu á grjót, en fengu aðstoð íslenskrar fjölskyldu til að komast á áfangastað: Gistiheimili í Grindavík, sem var rýmt örskömmu síðar vegna eldgosahættu.

11. nóvember 2023 · 02:10

Birtist fyrir tæpum 3 árum.

Eftir viðburðaríka heimsókn til Íslands endaði kærustuparið William Skilling og Sofia Periada í fjöldahjálparmiðstöð í Kórnum í Kópavogi.

Við komuna til landsins varði parið tveimur dögum í Reykjavík, en næstu fjórum dögum á ferð um landið. Á þessum tíma hafa þau farið Gullna hringinn, hætt sér inn í íshelli og staðið á svörtum Breiðamerkursandi, sem var „dásamlegt“. Í kvöld voru þau rétt ókomin til Grindavíkur þegar ógæfan dundi á.

Í Grindavík ætluðu þau að verja síðustu nóttinni á Íslandi á gistiheimili, áður en þau halda aftur til Bretlands á morgun, þar sem þau búa, í London. „Eftir fimm tíma akstur náðum við næstum því alla leið, það munaði bara sex mínútum,“ segir William.

Í sex mínútna fjarlægð frá Grindavík lenti þau á grjóthruni á veginum, með þeim afleiðingum að dekkið fór af og eitthvað eyðilagðist, svo bílinn var ekki hægt að keyra lengra. „Ég stoppaði bílinn, en þá kom yndisleg íslensk fjölskylda að, og sagði að ég yrði að færa bílinn, því hann væri á hættulegum stað. Við fórum út og fundum jarðskjálftann. Þau hjálpuðu okkur með farangurinn á gistiheimilið. Við skildum reyndum eitthvað eftir í bílnum því við héldum að við gætum fengið bílinn aftur að gistiheimilinu.“

Þegar á gistiheimilið var komið kom parið sér fyrir. „Við sendum húseigandanum svo skilaboð til að spyrja hvort hægt væri að skipuleggja far á flugvöllinn á morgun og hann sagði það ekkert mál. Klukkan var að verða ellefu þegar hún hringdi og sagði að við yrðum að yfirgefa svæðið. Við spurðum hvort fleiri væru á gistiheimilinu, og hún sagði að það væri allavega annað par þar.“ Þau bönkuðu upp á hjá belgísku pari og fengu far með þeim á fjöldahjálparstöð Rauða krossins í Kórnum í Kópavogi.

Á morgun halda þau svo aftur heim. Bíllinn bíður hins vegar á aflokuðu svæði, þangað sem hann verður væntanlega sóttur af bílaleigunni. Þau viðurkenna að þetta hafi verið svolítið ógnvekjandi reynsla. „Þegar jörðin hristist undir mér, já,“ segir William. „Ég er yfirleitt mjög rólegur, en það var ógnvekjandi.“ Þetta var í fyrsta sinn á ævinni sem þau fundu fyrir jarðskjálfta. „Ég var svolítið kvíðin,“ segir Sofia. „Bíllinn var nú þegar ónýtur og … já.“

Þrátt fyrir allt eru þau staðráðin í að koma aftur til Íslands. „Eftir að við sáum norðurljósin í gærkvöldi, þá verðum við að koma aftur að sjá þau,“ segir William og segir að það hafi verið algjörlega stórkostlega upplifun. „Þetta er reynsla sem breytir lífinu.“

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Jarðhræringar við Grindavík

Athugasemdir

Skráðu þig inn til að skrifa athugasemd eða kjósa.

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Tengdar greinar

Jarðhræringar við Grindavík

FréttirJarðhræringar við Grindavík

Þriðja lengsta gosi frá aldamótum lokið

Eldgosinu við Sundhnjúka, því sem staðið hefur yfir síðustu 54 daga, er lokið að sögn sérfræðinga Veðurstofunnar. Annað mun að öllum líkindum hefjast fljótlega.

Greining

Hvað gerðist í Grindavík 10. nóvember?

Raunveruleg atburðarás örlagadaginn 10. nóvember í Grindavík hefur verið á reiki. Hvað flokkast undir hættuástand og hvers vegna var Grindavík ekki rýmd um leið og skjálftavirkni tengd kvikuhreyfingum færðist undir byggðina? Heimildin greinir atburðarásina og leitar svara hjá almannavörnum.

FréttirJarðhræringar við Grindavík

Íbúum leyft að dvelja næturlangt í Grindavík þótt lögreglan mæli ekki með því

Frá og með morgundeginum verður íbúum og fólki sem starfar hjá fyrirtækjum í Grindavík heimilt að fara í bæinn og dvelja þar næturlangt. Í nýlegri fréttatilkynningu lögreglustjórans á Suðurnesjum er greint frá þessu. Íbúar eru þó varaðir við að innviðir bæjarins séu í lamasessi og sprungur víða. Bærinn sé því ekki ákjósanlegur staður fyrir fjölskyldur og börn.

FréttirJarðhræringar við Grindavík

Rak ýtuna í hraunið: „Ég varð bara að prófa“

Þröstur Kjaran Elísson vélamaður starfar við gerð varnargarða í Svartsengi. Hann er duglegur að deila myndböndum af aðgerðum á Facebook-síðu sinni. Á einu þeirra má sjá Þröst pota í hraunið með jarðýtu sinni. Þetta gerði hann við störf sín á fimmtudagskvöldið þegar enn gaus í Svartsengi.

FréttirJarðhræringar við Grindavík

Tímabært að verja Reykjanesbraut

Þorvaldur Þórðarson eldfjallafræðingur segir að það sé tímabært að huga að vörnum fyrir Reykjanesbrautina og aðra innviði á Suðurnesjum. Atburðarásin á fimmtudag, þegar hraun rann yfir Grindavíkurveg og hitavatnsleiðslu HS Veitna, hafi verið sviðsmynd sem búið var að teikna upp. Hraun hafi runnið eftir gamalli hraunrás og því náð meiri hraða og krafti en ella.

VettvangurJarðhræringar við Grindavík

Í Grindavík er enn 10. nóvember

Það er nógu leiðinlegt að flytja, þegar maður velur sér það sjálfur, hvað þá þegar maður neyðist til þess. Og hvernig velur maður hvað eigi að taka með sér og hvað ekki, þegar maður yfirgefur stórt einbýlishús með tvöföldum bílskúr fyrir litla íbúð með lítilli geymslu? Fjölskyldan á Blómsturvöllum 10 í Grindavík stóð frammi fyrir þeirri spurningu síðastliðinn sunnudag.

Mest lesið

ErlentHorft til Evrópu

Burnham segir ljóst að Rússar hafi skipt sér af Brexit-atkvæðagreiðslunni

Forsætisráðherra Bretlands segist hafa fengið skýra staðfestingu á afskiptum Rússa þegar hann tók við embætti. Hann hyggst í dag hvetja þingmenn til að leita eftir nýju samkomulagi við Evrópusambandið og nánari tengslum við það.

Stjórnmál

Hart deilt um 10 milljarða viðhald í Reykjanesbæ

Kostnaður vegna viðgerða og viðhalds á tveimur grunnskólum í Reykjanesbæ er kominn í tíu milljarða. Fyrrum meirihluti gagnrýnir nýja bæjarstjórn fyrir að fara 300 milljónir yfir áætlun á einum mánuði.

InnlentKjaradeila Eflingar og SA

Sólveig Anna: „Nú er það traust algjörlega horfið“

Formaður Eflingar segir traust á milli Eflingar og framkvæmdastjóra Samtaka Atvinnulífisins brostið eftir viðræður við VR. Hún segir framkvæmdastjórann hafa beitt klækjastjórnmálum.

Erlent

Gerðu húsleit hjá þingkonu Demókrata

Ilhan Omar hefur áður sagt rannsókn yfirvalda á sér vera pólitíska árás. Þrjár vikur eru til þingkosninga í Bandaríkjunum, þar sem úrslitin ráða því hvor flokkurinn fær meirihluta á þingi. Omar hefur gagnrýnt Donald Trump, forseta Bandaríkjanna, harðlega, sem hefur svarað af hörku.

Stjórnmál

Segir skýrt að það sé ekki heimilt að fara í Selárlaug eftir lokun

Sveitarstjóri Vopnafjarðarhrepps hefur ekki kært innbrot í Selárlaug til lögreglu eftir að fimm þingmenn fóru þangað inn í leyfisleysi. Sveitarstjórinn segir það skýrt að það sé óheimilt að fara í laugina eftir lokun og þetta sé ekki eitthvað sem menn eiga að gera.

Erlent

Hall og Woodford fá Nóbelsverðlaunin í hagfræði

Robert E. Hall og Michael Woodford hafa rannsakað hvernig ákvarðanir einstaklinga og fyrirtækja tengjast þróun hagkerfisins og hvernig hagstjórn getur stuðlað að stöðugleika.

Mest lesið

Mest lesið í vikunni

InnlentLífið á Grensás

Vilja að Katla fari á elliheimili

Heilbrigðisráðuneytið hefur þrýst á að Katla Guðnadóttir, 24 ára gömul, velji sér hjúkrunarheimili til að flytja á tímabundið. Formaður ÖBÍ segir slíkar innlagnir ungs fólks sjaldnast verða tímabundnar. Katla hefur verið ári lengur á Grensásdeild en heilbrigðisstarfsfólk taldi þurfa og vill flytja heim til sín.

Efnahagsmál

Þessu lofaði ríkisstjórnin til að tryggja að kjarasamningar héldu

Skuldsett heimili gætu fengið samtals þrjá milljarða króna í vaxtabætur ef ársverðbólga fer yfir fimm prósent í lok október 2027.

Erlent

Andrew fær 302 þúsund pund fyrir að yfirgefa setrið sitt í Windsor

Andrew Mountbatten-Windsor, sem einu sinni var prins, fær bætur fyrir að þurfa að flytja burt af lóð Windsor-kastalans. Bæturnar voru dregnar frá 1,8 milljóna punda greiðslu vegna ólokinna viðgerða á Royal Lodge. Karl III. konungur neyddi bróður sinn til að flytja þaðan í fyrra og býr hann nú á Sandringham-landareign konungs.

Stjórnmál

Þrettán aðgerðir ríkisstjórnarinnar til að bjarga kjarasamningum

Skuldsett heimili fá samtals 1,3 milljarða króna í einskiptisvaxtabætur verði ársverðbólga yfir 3,8 prósent í lok október 2027. Gjaldskrárhækkanir verða takmarkaðar við 2,5 prósent.

Leiðari

Jón Trausti Reynisson

Nýtt fegurðarskyn Íslendinga

Spurningar vakna um skilgreiningu lykilhugtaka sem varða mestu verðmæti og mikilvægasta verkefni Íslendinga.

NærmyndRússland Pútíns

Spáði fyrir um framtíð Rússlands

Fólk trúði ekki Önnu Politkovskaju, þegar hún sagði að farið yrði fram á „algjöra undirgefni við Pútín“.

Mest lesið í mánuðinum

Innlent

Lögreglan rukkar viðburðahaldara um tugi milljóna

Tvö lögregluembætti hafa krafið þrjá viðburðarhaldara um samanlagt 47 milljónir vegna þriggja viðburða í sumar. Viðburðahaldarar eru hugsi vegna málsins og tveir hafa kært gjaldtöku lögreglu.

Stjórnmál

Reikna ellilífeyri rangt samkvæmt orðalagi laga

Ellilífeyrisgreiðslur hafa miðað við of lágt frítekjumark í nær áratug samkvæmt orðalagi laga. Milljarðar eru undir en Tryggingastofnun túlkar lögin út frá lögskýringargögnum. Skrifstofa Alþingis segir lögin ekki uppfylla kröfur og ráðuneytið hyggst skoða hvort þeim þurfi að breyta.

ViðtalLífið á Grensás

„Ég hef ekkert til að kvarta yfir“

Söru Margréti Bergmann var kippt út úr lífi þriggja barna sinna þegar hún lamaðist skyndilega frá toppi til táar. Endurhæfingu hennar miðar vel og hún nýtur litlu hlutanna í lífinu. „Ég get verið glöð og þakklát fyrir allt, jafnvel þó ég verði alltaf í þessum stól.“

ViðtalLífið á Grensás

Prófaði brimbretti í fyrsta skipti og lamaðist

Wojciech Jarosz vann á Keflavíkurflugvelli en eftir örlagaríkt frí í Karíbahafinu sækir hann nú endurhæfingu á Grensásdeild í von um að geta staðið aftur upp einn daginn. Sjaldgæfur kvilli sem byrjendur á brimbrettum geta fengið olli lömun fyrir neðan mitti.

InnlentLífið á Grensás

Vilja að Katla fari á elliheimili

Innlent

Ofrukkaði sveitarfélög fyrir sorphirðu yfir 100 milljónir króna

Íslenska gámafélagið ofrukkaði Garðabæ og Mosfellsbæ yfir 100 milljónir króna vegna sorphirðu. „Þá eruð þið ekki alveg saklaus í þessu máli,“ sagði starfsmaður fyrirtækisins.