Fyrri aukaspurning:

Fáni hvaða ríkis blaktir hér að ofan?

***

Aðalspurningar:

1.  Hvað hét James Bond-myndin sem frumsýnd var á síðasta ári?

2.  Hvaða stofnun Sameinuðu þjóðanna hefur skammstöfunina UNICEF?

3.  Hordeum vulgare er latneska nafnið á jurt einni sem var ein af þeim fyrstu sem menn fóru að rækta þegar þeir náðu valdi á landbúnaði fyrir 10.000 árum eða svo. Jurtin vex yfirleitt vel á tempruðum svæðum. Um það bil 70 prósent af framleiðslunni nú er notuð í dýrafóður en afgangurinn fer til manneldis, í brauð, súpur, ýmsa drykki og grauta, og margt fleira. Hvaða jurt er Hordeum vulgare?

4.  Hvers konar fugl er rita?

5.  Hvaða körfuboltakarl setti nýlega met í stigaskorun vestur í hinum víðlendu Bandaríkjum?

6.  Hver er kvaðratrótin af 81?

7.  Leikkonan Nína Dögg Filippusdóttir skýrði frá því á dögunum að hún væri að undirbúa sig fyrir nýtt hlutverk í sjónvarpsþáttaseríu. Hvað á Nína Dögg að leika?

8.  Hvaða skóli á Íslandi hefur skammstöfunina LHÍ?

9.  Hvað er Fortnite sem kom fyrst fram á sjónarsviðið 2017?

10.  Hver er nýráðin sem samskiptastjóri Landsvirkjunar?

***

Seinni aukaspurning:

Hvað heita ungu mennirnir tveir sem þarna sjást? Hafa verður nöfn þeirra beggja rétt!

***

Svör við aðalspurningum:

1.  No Time to Die.

2.  Barnahjálpin.

3.  Bygg.

4.  Máfur.

5.  LeBron James. 

6.  Níu.

7.  Vigdísi Finnbogadóttur.

8.  Listaháskóli Íslands.

9.  Tölvuleikur.

10.  Þóra Arnórsdóttir.

***

Svör við aukaspurningum:

Á fyrri myndinni er fáni Japans.

Á neðri myndinni eru þeir Brian Jones og Keith Richards, félagar í hljómsveitinni The Rolling Stones.