Kristján telur óþarft að komast að því af hverju starfsmaður ráðuneytis hans lét fresta birtingu laga

Kristján Þór Júl­í­us­son, atvinnu­vega- og nýsköp­un­ar­ráð­herra, telur ekki þörf á að kom­ast að því af hverju og á hvaða for­sendum skrif­stofu­stjóri í ráðu­neyti hans lét fresta birt­ingu laga um fisk­eldi sum­arið 2019. Ráð­herr­ann virð­ist ekki vita af hverju skrif­stofu­stjór­inn, Jóhann Guð­munds­son, lét fresta laga­birt­ing­unni í Stjórn­ar­tíð­indum með því að vísa til hags­muna lax­eld­is­fyr­ir­tækja og að hann telji mál­inu vera lokið innan ráðu­neytis hans jafn­vel þó að hann viti ekki hvað skrif­stofu­stjór­anum gekk til. Þetta kemur fram í svari frá Krist­jáni Þór við fyr­ir­spurn þing­manns Flokks fólks­ins, Ingu Sæland, um málið. Svarið var birt á Alþing­isvefnum í gær. 

Stundin hefur fjallað um mál Jóhanns síð­ustu vik­urnar. Hann hringdi í rit­stjóra Stjórn­ar­tíð­inda þann 15. júlí 2019 þegar hann gegndi starfi skrif­stofu­stjóra lax­eldis og lét fresta birt­ingu nýrra laga um fisk­eldi á þeim for­sendum að lax­eld­is­fyr­ir­tæki hefðu fengið frest til að skila inn gögnum um lax­eld­is­á­form sín til 17. júlí. Ef lögin hefðu verið birt og tekið gildi áður en lax­eld­is­fyr­ir­tækin þrjú skil­uðu inn gögn­unum hefðu nýju og strang­ari lögin um lax­eldi gilt um þessi áform. Með því að fresta laga­birt­ing­unni þar til eftir að lax­eld­is­fyr­ir­tækin þrjú, Arnarlax, Arctic Fish og Fiskeldi Aust­fjarða, skil­uðu inn gögn­unum til Skipu­lags­stofn­unar giltu gömlu lögin um fisk­eldi um þessi áform.

„Hlut­að­eig­andi starfs­maður lét af störfum áður en þess­ari athugun lauk, og er því mál­inu lokið innan ráðu­neyt­is­ins.“

Um er að ræða laxeldisáform sem verðleggja má á 85 milljarða króna í ljósi þess verðs sem norsk laxeldisfyrirtæki greiddu fyrir nýja laxeldiskvóta í Noregi árið 2018.

Ekkert svar en rannsókn óþörf

Inga Sæland spurði Kristján að því hvort hann teldi að rann­saka þyrfi af hverju Jóhann lét fresta laga­birt­ing­unni. Hún spurði: „Telur ráð­herra ástæðu til að rann­sakað verði það verk­lag sem var við­haft á skrif­stofu sjáv­ar­út­vegs og fisk­eldis að fresta til 18. júlí 2019 að láta birta í Stjórn­ar­tíð­indum ný lög um fisk­eldi sem sam­þykkt voru á Alþingi 20. júní 2019, sbr. frétt Stund­ar­innar 23. októ­ber 2020?“

Svar Krist­jáns Þórs við þess­ari spurn­ingu er á þá leið að jafn­vel þó ráðu­neytið viti ekki af hverju Jóhann gerði þá þetta þá telji það að mál­inu sé lokið: „Ráðu­neytið hefur látið fara fram athugun á þessum emb­ætt­is­færslum innan ráðu­neyt­is­ins með hlið­sjón af ákvæðum laga um rétt­indi og skyldur starfs­manna rík­is­ins. Hlut­að­eig­andi starfs­maður lét af störfum áður en þess­ari athugun lauk, og er því mál­inu lokið innan ráðu­neyt­is­ins.“

Athugun ráðu­neyt­is­ins á mál­inu lauk sem sagt ekki, ráðu­neytið veit ekki hvað Jóhanni gekk til og telur sig ekki þurfa að vita það. 

Eins og Stundin hefur margoft greint frá hefur blaðið ekki náð í Jóhann þrátt fyrir ítrek­aðar til­raunir. 

Miðað við svör Krist­jáns Þórs þá veit ráðu­neytið ekki hvort Jóhann hafi verið að ganga erinda ein­hvers eða ein­hverra þegar hann hringdi umrætt sím­tal.

Í svörum ráðu­neyt­is­ins til Stund­ar­innar hefur komið fram að Jóhann hafi hringt í Stjórn­ar­tíð­indi að eigin frum­kvæði en miðað við svör Krist­jáns Þórs þá getur ráðu­neytið ekki vitað hvort þetta er satt þar sem það kláraði ekki athugun sína á mál­inu. Ráðu­neytið getur því bara full­yrt að eng­inn innan ráðu­neyt­is­ins hafi sagt Jóhanni að hringja umrætt sím­tal. 

Spurði um mál Jóhanns Guð­munds­sonarInga Sæland spurði Kristján Þór um mál Jóhanns Guð­munds­sonar.

Frétti fyrst af málinu í sumar

Inga Sæland spurði Kristján Þór einnig að því hvenær hann frétti af því að birt­ingu lag­anna hefði verið frestað. Hún spurði: „Hvenær varð ráð­herra ljós þessi fyr­ir­ætlan um frestun á birt­ingu lag­anna og hver var ástæðan fyrir henni?“

Svar Krist­jáns við þessu var: „Yfir­stjórn ráðu­neyt­is­ins fékk fyrst upp­lýs­ingar um málið 7. júlí 2020. Þá þegar hófst athugun á mál­inu. Ekki er að finna upp­lýs­ingar í mála­skrá ráðu­neyt­is­ins um ástæður frest­unar á birt­ingu lag­anna.“

Ráðu­neytið greindi ekki opin­ber­lega frá þessum afskiptum Jóhanns eftir að það komst að þeim nú í sumar og það var ekki fyrr en að fjöl­miðlar spurð­ust fyrir um það að málið varð opin­bert. Stjórn­skip­unar- og eft­ir­lits­nefnd gerir nú eigin athugun á mál­inu og virð­ist nefndin ekki vera á sömu skoðun og ráðu­neytið að ekki þurfi að upp­lýsa um hvað Jóhanni gekk til og á hvaða for­sendum.