Líkir Piu Kjærsgaard við Dalai Lama

Björn Bjarna­son, fyrr­ver­andi ráð­herra og þing­maður Sjálf­stæð­is­flokks­ins, líkir gagn­rýni á Þing­valla­ræðu Piu Kjærs­gaard, for­seta danska þings­ins, við gagn­rýni kín­verskra náms­manna í Banda­ríkj­unum á komu Dalai Lama. Þá segir hann skoð­anir Piu í útlend­inga­málum vera við­ur­kenndar í evr­ópskum stjórn­málum.

Dalai Lama

Mynd: Wikipedia

Í grein í Morg­un­blað­inu í dag skrifar Björn að kín­verskir náms­menn við háskóla í San Diego hafi mót­mælt fyr­ir­hug­aðri ræðu Dalai Lama við skól­ann vorið 2017. Dalai Lama hefur barist fyrir mann­rétt­indum og frjálsu Tíbet og sætt gagn­rýni kín­verskra stjórn­valda fyrir vikið.

Björn segir gagn­rýni Pírata á hátíð­ar­ræðu Piu á Þing­völlum dæmi um „hvernig póli­tísk öfl vilja ráða skoð­ana­myndun í land­inu með því að þagga niður í erlendum ein­stak­lingi sem þeir eru ósam­mála.“ Pia er þekkt fyrir útlend­inga­andúð og bar­áttu sína gegn fjöl­menn­ingu og íslam. Árið 2010 kall­aði hún eftir því að stjórn­völd bönn­uðu inn­flytj­endum sem ekki væru af vest­rænum upp­runa að setj­ast í Danmörku. Hæsti­réttur Dan­merkur felldi árið 2003 þann dóm að rétt­mætt væri að kalla skoð­anir Piu „rasískar“.

„Þetta er í ætt við við­horfið hjá kín­versku náms­mönn­unum sem gengu þeirra erinda að banna Dalai Lama að flytja ræðu sína,“ skrifar Björn. „Þetta er til­raun til útskúf­unar í því skyni að hefta frjálsa skoð­ana­myndun.“

Samfylkingins stöðvi fylgistap sitt með harðari útlendingastefnu

Björn skrifar að „atlagan að Piu“ hafi verið dæmd til að mis­takast. „Stór­deil­urnar vegna komu Piu Kjærs­gaard á fund Alþingis eru angi af umræðum sem setja sterkan svip á stjórn­mál líð­andi stundar í Evrópu,“ skrifar Björn. „Sjón­ar­mið sem hún boðar í útlend­inga­málum voru fyrir nokkrum árum kennd við öfga­skoð­anir. Þau eru nú við­ur­kenndur hluti meg­in­sjón­ar­miða í evr­ópskum stjórn­málum.“

Þá skrifar Björn að Sam­fylk­ingin ætti að taka upp harð­ari útlend­inga­stefnu til að forð­ast fylgis­tap. „Með for­dæm­ingu sinni á við­horfum Kjærs­gaard skipar Sam­fylk­ingin sér í hóp and­stæð­inga danskra jafn­að­ar­manna í útlend­inga­málum. Formaður danska jafn­að­ar­manna­flokks­ins nýtur á sama tíma vax­andi virð­ingar flokks­bræðra í öðrum löndum en hér vegna harðrar útlend­inga­stefnu sinnar. Slík fyr­ir­staða kunni að stöðva fylgis­tap jafn­að­ar­manna­flokka um alla Evrópu.“

Píratar gangi af þingfundi á „öruggt svæði“

Í grein­inni notar Björn reglu­lega hug­takið „öruggt svæði“, sem er þýð­ing á enska hug­tak­inu „safe space“. Hugtakið á upp­runa sinn í hreyf­ingum kvenna, sam­kyn­hneigðra og ann­arra hópa og táknar rými þar sem mann­eskja úr við­kom­andi hópi getur verið viss að hún mæti ekki for­dómum, mis­munun, áreiti eða ofbeldi vegna hóps­ins sem hún til­heyrir.

Pia Kjærs­gaard

„Hér á landi höfum við kynnst því und­an­farna daga hvernig póli­tísk öfl vilja ráða skoð­ana­myndun í land­inu með því að þagga niður í erlendum ein­stak­lingi sem þeir eru ósam­mála,“ skrifar Björn. „Umburð­ar­lyndið gagn­vart skoð­unum ann­arra er ekk­ert og þess er kraf­ist að sjálft Alþingi sé „öruggt svæði“.“

Segir Björn Pírata ekki sætta sig við „aukna gæslu á landa­mærum eða varð­stöðu um nor­rænan og evr­ópskan menn­ing­ar­arf.“ Þeir sem hafi nasa­sjón af nor­rænum hátíð­ar­ræðum í áranna rás þurfi ekki að láta sér bregða vegna ummæla Piu. „Þurfi þing­menn að ganga af þing­fundi á „öruggan stað“ vegna ummæla af þessum toga, ættu þeir ekki að fara í fram­boð,“ skrifar Björn.