Sigríður Andersen dóms­mála­ráð­herra segir að hat­ur­orð­ræða áhrifa­manna gegn ein­stökum hópum fólks þekk­ist ekki á Íslandi. Hún leyfir sér að vona að það sé „vegna þess að Íslend­ingar eru almennt vel upp aldir í góðum siðum og náunga­kær­leik, vel upp­lýstir og umburð­ar­lyndir“. 

Þetta kemur fram í pistli eftir ráð­herra sem birt­ist í Frétta­blað­inu í morgun. Þar gerir hún að umtals­efni að nýlega hafi „ímam (klerkur múslima) nokkur í Danmörku“ verið ákærður fyrir að hvetja til morða á gyð­ingum í predikun. Ráðherra fagnar því að sam­bæri­leg mál hafi ekki komið upp á Íslandi og lýsir áhyggjum af vax­andi gyð­inga­hatri í Evrópu.

„Hatur á ein­stökum hópum manna, sem end­ur­spegl­ast í máli áhrifa­valds eins og því sem nú verður ákært fyrir í Danmörku, þekkjum við ekki hér á landi og skulum aldrei kynn­ast,“ skrifar Sigríður Andersen sem telur að ástæðan sé gott upp­eldi Íslend­inga og gildi sem þjóðin standi vörð um. Þó sé þjóðin oft stór­yrt í netheimum.