„Við eigum að fagna þeirri mik­il­vægu fjöl­breytni sem gerir þjóð­ina rík­ari og tryggja að við öll sem hér búum saman höfum hvert um sig sterka rödd í sam­fé­lagi okkar, óháð upp­runa, óháð trú­ar­brögðum. Við eigum aldrei að leyfa hat­urs­orð­ræðu að verða lög­mæt í okkar sam­fé­lagi.“

Þetta sagði Katrín Jak­obs­dóttir for­sæt­is­ráð­herra í hátíð­ar­ræðu sinni á Þing­völlum í dag. Hátíð­ar­dag­skráin fór fram í skugga harð­vít­ugra deilna um ræðu­höld og veru Piu Kjærs­gaard á fund­inum, þing­for­seta Dana sem er þekkt fyrir útlend­inga­andúð og boðun harðrar inn­flytj­enda­stefnu. Kusu Píratar að snið­ganga fund­inn og sögðu þjóð­ina eiga „betra skilið en að gælt sé við öfga­þjóð­ern­is­hyggju í hennar nafni“. Helga Vala Helga­dóttir, þing­kona Sam­fylk­ing­ar­innar, gekk út meðan Pia Kjærs­gaard flutti ræðu sína.

Stein­grímur J. Sig­fús­son, for­seti Alþingis, setti fund­inn og þakk­aði Piu Kjærs­gaard sér­stak­lega fyrir að heiðra þing­heim með nær­veru sinni. „Það er [...] Alþingi mik­ill heiður að hafa hér með okkur í dag for­seta danska þjóð­þings­ins. Það er okkur líka mikil ánægja að þing­for­setar fjöl­margra ann­arra vina­landa og aðrir erlendir gestir heiðra okkur með nær­veru sinni á þessum hátíð­is­degi. Fyrir þann virð­ingar- og vin­áttu­vott færi ég þeim þakkir Alþingis,“ sagði Stein­grímur.

Katrín sagði í hátíð­ar­ræðu sinni að gildin sem Íslend­ingar höfðu að leið­ar­ljósi fyrir 100 árum væru enn í dag þung­væg þótt sam­fé­lagið hefði breyst. „Um leið og við tök­umst saman á við þá áskorun að efla íslenska tungu í gjör­breyttum heimi fögnum við því að á Íslandi eru núna töluð svo miklu fleiri tungu­mál en fyrir 100 árum,“ sagði hún. 

„Landið hefur einnig tekið miklum breyt­ingum, ekki síst fyrir gjörðir okkar mann­anna. Þar stöndum við á tíma­mótum, þar hvílir sú skylda á okkur að vernda þá ósnortnu nátt­úru og víð­erni sem við eigum og eru orðin sjald­gæf verð­mæti í heimi sem er orð­inn mun mann­gerð­ari en fyrir 100 árum.“ 

Katrín sagði að sam­fé­lög ættu ekki síst að vera mæld eftir því hvernig þau koma fram við börn og hvernig þau tryggja að öll börn fái tæki­færi til að þroska hæfi­leika sína þannig að þau nái að dafna og fylgja draumum sínum eftir. „Þannig tryggjum við gott sam­fé­lag, þannig tryggjum við jafn­að­ar­sam­fé­lag,“ sagði hún.