Heimili hennar ilmar af kryddum og fram­and­leika og um stund finnst mér ég hafa stokkið yfir í aðra heims­álfu en ekki bara skot­ist í heim­sókn í rað­hús í Efra-Breið­holti. Það er kvöld­mat­ar­tími, fjöl­skyldan situr að snæð­ingi en við göngum saman upp á efri hæð­ina og förum inn í fremur stórt her­bergi. Hingað er ég komin til þess að kynn­ast Shabönu Zaman, for­vitni­legri konu sem ég hef heyrt að hafi hjálpað mörgum við að leysa úr flækj­unum í lífi sínu. Mig langar að vita hvaða aðferðum hún beitir til þess. Fyrst langar mig samt að for­vitn­ast meira um Shabönu, meðal ann­ars hvernig það æxl­að­ist að hún flutti alla leið frá Pakistan til Íslands á þeim tíma þegar sára­fáir Pakistanar bjuggu á Íslandi. 

Fyrsta pakistanska konan á Íslandi

Shabana kemur frá pakist­anska hluta Lahore-hér­aðs í Norður-Indlandi. Þegar hún elti ást­ina alla leið til Íslands fyrir 25 árum hafði hún fáa …