Katrín Júl­í­us­dóttir, fyrr­ver­andi ráð­herra, situr í þriggja manna upp­still­ing­ar­nefnd vegna fram­boðs Sam­fylk­ing­ar­innar í Suð­vest­ur­kjör­dæmi fyrir kom­andi Alþing­is­kosn­ingar. 

Katrín var þing­kona flokks­ins á tíma­bil­inu 2003 til 2016 en hefur starfað sem fram­kvæmda­stjóri Samtaka fjár­mála­fyr­ir­tækja frá því í nóv­em­ber 2016.

Sem starfs­maður fyrir hags­muna­sam­tök fjár­mála­fyr­ir­tækja hefur það komið í hlut Katrínar að beita sér fyrir því að sköttum sé létt af fjár­mála­fyr­ir­tækjum, meðal ann­ars að skatt­breyt­ingar sem gerðar voru í tíð vinstri­st­jórn­ar­innar verði aft­ur­kall­aðar. Sjálf var hún iðn­að­ar­ráð­herra í umræddri rík­is­stjórn á árunum 2009 til 2012 og fjár­mála- og efna­hags­ráð­herra frá 2012 til 2013.

Gera tillögu um sigurstranglegan framboðslista

Kjör­dæm­is­þing Sam­fylk­ing­ar­innar í Suð­vest­ur­kjör­dæmi kaus um til­högun við val á fram­boðs­lista í kjör­dæm­inu á sunnu­dags­kvöld. Nið­ur­staðan er sú að fram­boðs­list­inn verður val­inn með upp­still­ingu. 

„Í þriggja manna upp­still­ing­ar­nefnd sitja: Katrín Júl­í­us­dóttir, fv. alþingi­maður, Anna Sigríður Guðna­dóttir, bæj­ar­full­trúi og Gunnar Svav­ars­son, fv. alþing­is­maður sem jafn­framt er for­maður nefnd­ar­innar,“ segir í tölvu­pósti sem flokks­mönnum barst í gær.

„Kallað er eftir til­nefn­ingum að fram­bjóð­endum frá flokks­fé­lögum og fanga leitað víða innan flokks sem utan. Jafn­framt verði horft til fram­boðs­lista vegna síð­ustu kosn­inga. Upp­still­ing­ar­nefnd gerir til­lögu að fram­boðs­lista sem hún telur sig­ur­strang­legan og mun leit­ast við að tryggja að list­inn í heild end­ur­spegli fjöl­breytni sam­fé­lags­ins.“