„Það er augljóst að miðjan er að gefa eftir þegar sveitarstjórnarkosningar eru bornar saman við kosningar á landsvísu,“ segir stjórnmálafræðingurinn Eiríkur Bergmann, spurður um stjórnmálalandslagið eftir sigur Sjálfstæðisflokksins og Miðflokksins í sveitarstjórnarkosningum.

Sé litið til tölfræðinnar, og er þá notast við Metill.is, má sjá að Miðflokkurinn náði bestum árangri í nýafstöðnum sveitarstjórnarkosningum, á meðan Píratar töpuðu mest, enda eiga þeir ekki lengur fulltrúa í sveitarstjórnum á Íslandi. Framsóknarflokkurinn tapar flestum sveitarstjórnarfulltrúum á milli kosninga og lækkar jafnframt næstmest á milli kosninga í prósentum talið, eða um tæp 6 prósent.

Það segir þó ekki alla söguna, enda bendir Lilja Alfreðsdóttir, formaður Framsóknarflokksins, á það í samtali við Heimildina að flokkurinn sé þvert á móti að styrkja sig verulega á lykilstöðum.

Öflugur Sjálfstæðisflokkur

Niðurstaða sveitarstjórnarkosninganna var sterk hægri slagsíða. Sjálfstæðisflokkurinn náði góðum árangri og má nefna tvennt augljóst í þeim efnum.