Þegar meirihlutasamningur Sjálfstæðisflokksins, Viðreisnar og Framsóknarflokksins var undirritaður í kjölfar sveitarstjórnarkosninga fylgdi honum stefnuyfirlýsing í formi verkefnalista.

Samanburður á birtum stefnuskrám flokkanna fyrir kosningar og þessum lista gefur mynd af því hvaða kosningaloforð rötuðu inn í meirihlutasamstarfið, hver hurfu og hvar finna má nýjar áherslur sem ekki voru áberandi í kosningabaráttunni.

Sterkur keimur Sjálfstæðisflokksins

Það er erfitt að lesa stefnuyfirlýsinguna án þess að sjá skýran þráð: Hún ber sterkan keim af stefnu Sjálfstæðisflokksins. Flokkurinn er stærstur í meirihlutanum með níu borgarfulltrúa en samstarfsflokkarnir þrjá og því kannski ekki óvænt niðurstaða. Meirihluta loforðanna má rekja efnislega til stefnuskrár flokksins og í nokkrum tilvikum er orðalagið mjög líkt.

Þetta á sérstaklega við um fjármála- og rekstrarmál. Loforð um að selja CarbFix og Ljósleiðarann, undirbúa sölu Malbikunarstöðvarinnar, bjóða út sorphirðu, fækka borgarfulltrúum úr 23 í 15, innleiða arðsemismat á fjárfestingar og hagræða sem nemur að lágmarki einum milljarði króna á ári, eru öll …