Sviss ákvað í dag að heimila ekki útflutning á hergögnum til Bandaríkjanna meðan á átökunum í Miðausturlöndum stendur, í samræmi við langvarandi stefnu sína um hlutleysi í hernaðarmálum.
„Ekki er hægt að heimila útflutning á hergögnum til landa sem eiga í alþjóðlegum vopnuðum átökum við Íran á meðan átökin standa yfir,“ sagði í yfirlýsingu frá ríkisstjórninni.
„Ekki er hægt að heimila útflutning á hergögnum til Bandaríkjanna að svo stöddu,“ og núverandi leyfi til Bandaríkjanna verða endurskoðuð reglulega, sagði þar ennfremur, en bætt var við að Sviss hafi ekki gefið út útflutningsleyfi fyrir hergögnum til Ísraels eða Írans í mörg ár.
Sviss hefur sömuleiðis bannað bandaríska flughernum að fljúga yfir lofthelgi landsins, til að verja hlutleysi þess.
Þá hefur komið fram að Sri Lanka hafnaði því að veita bandaríska flughernum aðstöðu fyrir tvær herflugvélar sem Bandaríkin fóru fram á að flytja þangað frá Djibouti í Austur-Afríku, til að verja hlutleysi landsins.
Íransstríðið
Eignar Bandaríkjunum hluta af Íran
Bandaríkjaforseti hótar að „sprengja allt í tætlur“ í öðru ríki
Segir að Bandaríkin muni taka olíu Írans
Of lengi að semja og því „dauðir“
Trump sakar fulltrúadeildina um „óþjóðholla“ atkvæðagreiðslu gegn stríðinu
Athugasemdir (2)