Donald Trump Banda­ríkja­for­seti spil­aði golf undir ströngu eft­ir­liti á fyrsta heila degi heim­sóknar sinnar til Skotlands í dag, á meðan hund­ruð mót­mæl­enda söfn­uð­ust saman á götum úti í stærstu borgum lands­ins.

Trump spil­aði á Turn­berry-vell­inum sínum ásamt syni sínum Eric og sendi­herra Banda­ríkj­anna í Bret­landi, Warren Stephens, og veif­aði til ljós­mynd­ara eftir komu sína til fæð­ing­ar­lands móður sinnar á föstu­dags­kvöldið.

Nærvera hans hefur breytt þessu fal­lega og venju­lega rólega svæði í suð­vest­ur­hluta Skotlands í hálf­gert virki, með lok­uðum vegum og eft­ir­lits­stöðvum lög­reglu.

Lög­reglu­menn - sumir á fjór­hjólum og aðrir fót­gang­andi með leit­ar­hunda - vökt­uðu golf­völl­inn og sand­strönd­ina og hlíð­arnar sem umlykja hann.

Leyniskyttur frá Bresku leyni­þjón­ust­unni voru stað­settar á útsýn­is­stöðum á meðan sumir aðrir kylfingar á vell­inum þurftu að und­ir­gang­ast leit örygg­is­starfs­manna.

Háð um hægða­ríkiHér er vísað til þriðja rík­is­ins með ádeilu um að Trump sé að reyna að ná alræð­is­valdi.

Mynd: AFP