Plast­barka­að­gerðin á Eritreu­mann­inum Andemariam Beyene, sem búsettur var á Íslandi, var ekki gerð af neyð til að bjarga lífi hans og hefði hann getað lifað í all­veru­legan tíma áfram ef hann hefði ekki farið í aðgerð­ina. Þetta er ein af helstu nið­ur­stöð­unum í dómi í Svíþjóð sem féll þann 21. júní. 

Með dómnum var ítalski skurð­lækn­ir­inn Paulo Macchiarini dæmdur í tveggja og hálfs árs fang­elsi fyrir meðal ann­ars aðgerð­ina á Andemariam en hún var gerð á Karol­inska-sjúkra­hús­inu í Solna árið 2011. Paulo Macchiarini hefur gefið það út að hann muni áfrýja nið­ur­stöð­unni til hæsta­réttar Sví­þjóðar. Til þess að það verði þarf hann að fá áfrýj­un­ar­leyfi frá dóm­stólnum. 

Dóms­nið­ur­staðan byggir meðal ann­ars á því að Macchiarini hafi bæði beitt Andemariam, og aðra sem stóðu að aðgerð­inni, blekk­ingum um neyð­ina sem og tækn­ina á bak við aðgerð­ina.